譚仔三哥米線15周年 「堅持辣着」企劃啟動

今年係譚仔三哥米線（譚仔三哥）創立15周年，黛安聽聞，佢哋會以「堅持辣着」為主題籌辦連串宣傳活動，例如最近已率先推出《堅持辣着》宣傳片，仲請咗林海峰做旁白，更請來多位名人及KOL參與拍攝，包括實力派演員陳湛文（Peter）、星級補習名師YY LAM林溢欣、《米紙》3位女主持Fiona、Sybil、Ruby等。

此外，當然唔少得譚仔三哥姐姐及哥哥參與，有份拍宣傳短片嘅，包括已有9年資歷嘅譚仔三哥店長瓊姐，及年輕有活力嘅店長阿斌，兩人堅持為客人提供美味嘅「香、麻、辛、辣」米綫，及以親切態度待客。阿斌仲話每位譚仔三哥姐姐都好能幹，形容最初加入譚仔三哥時，對飲食業無咩認識，各位前輩仍不辭勞苦傳授知識畀佢。「佢哋每位嘅堅持精神『辣』着我，使我由小店員榮升店長，我亦會承傳呢份『堅持辣着』嘅拼勁精神，感染每位同事同客人。」