KFC「桶遊脆宇宙」VR體驗 送現金券贏美食

今個夏日，KFC推出全新品牌企劃，當中包括一系列趣味爆燈嘅沉浸式食玩體驗，大家可透過多重感官體驗感受「指嘗回味」嘅美味。黛安聽聞，佢哋更破天荒推出「桶遊脆宇宙」VR體驗，本周四至日（17至20日）期間，KFC嘅巨型雞桶將登陸銅鑼灣希慎廣場，以VR虛擬實境技術，糅合KFC招牌炸雞及雞桶等經典元素，邀大家進入充滿爆脆炸雞、指嘗回味嘅「KFC脆宇宙」。

參加者只要戴上VR裝置，即可進入「桶遊脆宇宙」虛擬世界玩遊戲及贏取豐富獎品。每位參加者除咗可獲贈$60 KFC現金券，更可憑遊戲得分獲贈美食換領券。此外，大家更可以喺3D立體布景前擺出創意甫士打卡，只要將相片上載到個人社交平台再標籤@KFCHK及@leegardenshk官方帳號，即可獲經典葡撻換領券乙張。獎賞數量有限，送完即止。