周吉佩與鍾健威狹路不相逢 「自從散band之後就冇見過」

無綫「中年好聲音」周吉佩、吳大強、羅啟豪、曹敏寶、魏嘉信、顏志恆，還有「亞視一姐」薛影儀與經理人林寶玉、林雅詩，田啟文等，在圓方戲院出席電影《烏托邦浩劫》首映禮。曾是樂隊sp'ACE主音的周吉佩，原本跟前隊友鍾健威同場，可惜最終緣慳一面！

同場加映：前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

{{hket:inline-image name="VCG111449179224.jpg"}}{{/hket:inline-image}}

{{hket:inline-image name="VCG111449179364.jpg"}}{{/hket:inline-image}}

周吉佩和鍾健威曾是sp'ACE成員，又是好兄弟，但最終因意見不合而散band收場，多年來，他們不相往來。恰巧，在首映禮採訪通告上，兩人均屬邀請出席之列，周吉佩說：「係咩？我未見到佢呀！（同佢好耐冇見？）自從散band之後就冇見過，（佢係其中一個不和嘅兄弟？）我諗成隊band嘅方向，都有各自嘅諗法，我只可以話尊重大家嘅意見，行到嗰步冇得再行落去，咁咪算囉，大家各自生活得好，都係一個好好嘅結果。」問到如同場踫面會否尷尬？周吉佩說：「又冇嘅！我冇嘢！（合照ok？）見到睇吓點啦，見到點個頭，打個招呼ok嘅！」據知，至電影開場前鍾健威與女友黃美棋才到場。

中年好聲音丨周吉佩音樂路上飽歷挫敗打擊 感激太太共度低潮堅守中佬愛的承諾【下一頁】

對於患上惡性腫瘤橫紋肌肉瘤的女童天瑜，因為醫療事故而慘變植物人至今，最近，她的爸爸自揭患上「原發性惡性肌肉瘤」，當時周吉佩亦有留言為他打氣，周吉佩說：「之前因為工作關係，識咗天瑜爸爸，所以喺呢段時間，私下都傾咗好多嘢，支持佢同天瑜，好慘，聽到呢個消息，都忍唔住問『點解會咁呢？』我都同佢傾咗一輪，希望可以為佢打氣，我未必實質幫到佢啲乜嘢，天瑜爸爸好堅強，佢知道自己要保持正面，如果唔係，佢冧咗，天瑜點呢？所以我覺得佢好犀利，覺得佢係鬥士。」

亞視一姐｜39歲薛影儀告別A0自爆「戀愛中」 傳單戀公司靚仔高層：唔算係拍拖【下一頁】

{{hket:inline-image name="VCG111449179369.jpg"}}{{/hket:inline-image}}

{{hket:inline-image name="VCG111449179338.jpg"}}{{/hket:inline-image}}

此外，一直恨拍拖的薛影儀早前在社交平台的個人狀態轉為「戀愛中」，她直認現時是單戀中，更指對方是朋友，問到怎樣認識？是不是網友？薛影儀大賣關子，指這是秘密。在旁的林寶玉立即幫口：「佢（薛影儀）想保護呢棵萌芽。」問到對方知不知道被她喜歡？薛影儀說：「我諗佢知道啩，有人爆畀佢知，（你鍾意對方啲乜？）秘密。（覺得對方靚唔靚仔?）ok呀！（驚唔驚對方拒絕你？）唔驚嘅！」林寶玉表示見過薛影儀喜歡的心儀對象，笑言是高質素，問到對方是否公司的靚仔高層？她說：「咩位置，我就唔講啦，但我可以形容吓，論樣貌、工作能力都ok，佢幾識揀呀！」問到對方對薛影儀有沒有意思？林寶玉就推給薛影儀講，薛影儀只說：「吓，都係咁，一般嘢！」林寶玉不擔心薛影儀掛住拍拖而不專心工作。

採訪：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】