咁你都唔識丨孖曹敏寶玩遊戲瘋狂互寸 周吉佩嬲到彈起：呢個人冇乜文化

由鄭詩君（C君）、「自稱J2一姐」的黃紫恩（Jojo）、「女版金剛」謝嘉怡（Lisa）擔任主持的遊戲問答資訊節目《咁你都唔識》，逢周四、五晚上播映。「Common sense（CS）一啲都唔common」，《咁你都唔識》雲集抵死又貼地的刁鑽問題，透過有趣答問環節，測試參與遊戲嘉賓「CS（Common Sense）指數」。

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

{{hket:inline-image name="6.jpg"}}{{/hket:inline-image}}

明晚（4日）播出的第四集《咁你都唔識》，邀得的三組嘉賓全部來自《中年好聲音》，包括近日夥拍綜藝節目《煮東煮西》的支嚳儀與顏志恒、相識16載的好友周吉佩與曹敏寶，還有兩位唱得之人魏嘉信與林鉫徫；C君介紹三組嘉賓時，自爆在第一個主持的無綫節目中，曾訪問過吉吉，二人相當有淵緣。

{{hket:inline-image name="4.jpg"}}{{/hket:inline-image}}

雖然吉吉與敏寶感情要好是公開事實，但二人甫出場即瘋狂鬥嘴，敏寶更一嚟即向吉吉下戰書：「我長期處於一個下靶位，今次我應該會還佢幾招。」雖然敏寶信誓旦旦，可惜全程「講多錯多」，遭吉吉連番割蓆：「我見到佢揀呢個答案，我就知道呢個人冇乜文化」，更一度嬲到成個彈起：「乜嘢呀，你唔好再講嘢喇你！」而敏寶則一味掛住笑，二人甚有化學作用。

{{hket:inline-image name="5.jpg"}}{{/hket:inline-image}}

另一驚喜位則落在魏嘉信身上，雖然嘉信望落表情欠奉，但𠩤來是「冷笑話」高手，他出場時揚言：「贏唔到我哋唔姓陳！」由於他與鉫徫都不是姓陳，擺明搞Gag。

{{hket:inline-image name="7.jpg"}}{{/hket:inline-image}}

之後，嘉信又出動三寸不爛之舌，解釋「醟」字讀音由來，由於說時口齒伶俐兼信心十足，令Ｃ君亦聽至雙眼發光，並甘拜下風謂：「你直頭係嚟破解我哋嘅遊戲！知識推理智慧王！佢呢啲智慧唔係假，係『真智慧』（音：曾志偉）。」Jojo亦沒好氣謂：「不如我畀個主持你做吖！」

{{hket:inline-image name="2.jpg"}}{{/hket:inline-image}}

至於支支則繼續「唱歌成癮」及大拋英文生字，又全程與顏志恒大玩包剪揼及點指兵兵決定出場人選及回答答案，出場時又大擺「鬥雞眼」表情，相當搶焦。

{{hket:inline-image name="1.jpg"}}{{/hket:inline-image}}

撰文：娛樂組

相片：大會提供