亞視一姐丨薛影儀認違口罩令及普通襲擊罪 上訴得直改判囚2周緩刑18個月

「亞視一姐」薛影儀去年9月於朗屏邨乘電梯沒有佩戴口罩，被街坊拍片「狙擊」，阻止她離開，阿儀多次起飛腳踢向街坊，最後戴上口罩才獲放行。阿儀今年3月承認普通襲擊及違反「口罩令」2罪，被判即時入獄2星期，罰款5,000元，獲准保釋等候上訴。

同場加映： 鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

37歲被告薛影儀報稱藝術家，承認於2021年9月30日，在朗屏邨悅屏樓襲擊邱淑秋，以及在同日身處朗屏邨悅屏樓的電梯大堂時沒有佩戴口罩。阿儀今早（7/10）於高等法院上訴普通襲擊罪刑罰，法官李運騰裁定上訴得直，改判阿儀監禁2星期，緩刑18個月。 

{{hket:inline-image name="7b225725eaf6003b713586ada3b2f4d1.jpg"}}{{/hket:inline-image}}

薛影儀於庭外接受訪問，指拍片者為住在同一層的街坊，且相遇多次並跟蹤她。她說：「嗰個人呀...係佢唔啱，跟蹤我又影我，有時喺樓下跟住我，我都未曾告佢...真係！」又指多次相遇時對方「亂咁講嘢」，說：「嗰個人本身有問題，係咁跟住我。」佢亦表示唔敢唔戴口罩。

問到律師費方面的問題，經理人林寶玉就回答：「差唔多6位數字。」同時稱與公司商量後，考慮向事主索償。林寶玉叮囑薛影儀，「再遇到嗰個街坊都唔好理佢」。薛影儀表示唔會因為咁而搬。記者提及佢買樓嘅消息，「冇！冇買樓。係呀，冇買樓呀！」

薛影儀隨即於社交平台報喜，上載同律師以及亞視高層合照，留言：「今日好開心上訴成功，多謝亞視、蔡律師。」唔少網民都留言恭喜佢唔使坐監，仲叫佢唔好再有下次，生性做人呀！

其實薛影儀仲未可以咁「老定」，事關早前佢無戴頭盔於中環海濱無牌駕駛電單車，拍晒片放上晒網後，警方展開調查。薛影儀之後因涉嫌「駕駛時沒有駕駛執照」、「駕駛未獲發牌照車輛」、「沒有第三者保險而使用車輛」及「駕駛電單車時沒有戴上認可防護頭盔」被捕，獲准保釋候查，須於10月上旬向警方報到。

撰文：黃蘊姿