薛影儀着公主服入迪士尼被拒 粉絲安慰「小baby」最終點解決？

亞視一姐薛影儀最近推出首支單曲《一加一等於阿儀》，上架9日已經突破100萬點擊，日前記者會上老闆賴彩雲更透露新歌MV過百萬點擊會為佢出多幾首歌。昨日阿儀於IG貼出遊迪士尼樂園新相，着上《美女與野獸》中的Belle公主裙遊樂園，不過就被樂園禁止入場？而醒目嘅阿儀即刻諗到應對方法。

同場加映：極度俏郎君丨保錡厚面皮向宣萱求包養被拒 ERROR搞笑有料姜皓文心郁想拍綜藝

{{hket:ul-video id="7965"}}{{/hket:ul-video}}

阿儀昨日一早就貼出去店舖揀公主裙嘅相，留言：「今日去迪士尼就着呢條裙。」之後接連貼出多張於樂園打卡嘅相片，見佢喺門外依然着公主裙，不過其中一張相就笠上一件黑tee，留言：「今日去迪士尼，佢唔畀着公主服入場。」之後阿儀到迪士尼樂園酒店，終於可以着返公主裙打卡。

{{hket:inline-image name="1.jpeg"}}{{/hket:inline-image}}

其實迪士尼樂園規定16歲以上人士到迪士尼係唔可以扮公主。迪士尼唔建議大家扮迪士尼人物角色，因為有機會被錯認為樂園演藝人員或樂園代表，對其他賓客及樂園運作構成影響，故建議賓客穿着不影響樂園運作的衣服及裝扮方進入樂園。

好彩都有唔少網民呵番阿儀：「你係大家嘅小baby公主，唔洗模仿其他公主啦😘」、「叫嗰啲公主食X啦，阿儀先係我哋嘅小baby公主」、「梗係唔畀你着公主裙入場啦，你靚過入面啲公主，咁佢哋點算。」

圖片來源：Instagram

撰文：娛樂組