信和商場緊貼HOY TV 9月直播亞運精采賽事

杭州亞運會將於9月23日開幕，黛安收到風，信和集團獲港協暨奧委會全力支持，即日起喺旗下商場舉辦連串精采活動，其中奧海城及屯門市廣場分別設有430吋及540吋電視，緊貼HOY TV全程高清直播杭州亞運會賽事，畀大家緊貼亞運賽事嘅激烈戰況，一同撑港隊爭取佳績。

另外，即日起至8月27日喺奧海城二期活動大堂，仲會特設6個唔同體能項目，分析參加者嘅運動潛能，與超過30個熱門運動項目配對，完成挑戰後，參加者可獲得個人運動潛能分析報告，除可了解個人嘅運動能力，活動更會為參加者推薦較有優勢嘅運動項目，畀佢哋可選擇合適及可持續參與嘅運動㖭。S+REWARDS會員只要憑2點數，或Olympian Kids會員憑200積分，即可參加6項體能挑戰，例如用3分鐘高抬腿，測試心肺耐力；立定跳遠，測試下肢肌肉的爆發力等，大家把握機會去接受挑戰啦。