陳伶俐老公超浪漫帶妻湖中度假 結婚11年仍恩愛：好幸福多謝你

陳伶俐於2008年與前夫林敏驄離婚，二人所生嘅兩子跟隨母親生活。而陳伶俐於2012年與新加坡隱形富豪胡嘉烈後人劉頌銘再婚，及後又為丈夫誕下一子，正式退出幕前專心相夫教子做豪門少奶。

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

陳伶俐近年都不時分享佢嘅少奶奶生活，養尊處優嘅佢不時同老公二人世界去旅行，今次佢就帶埋細仔三人行去泰國，都一樣玩得咁開心。夫妻二人雖然已經結婚11年，但劉頌銘依然好浪漫、花心思𠱁老婆。陳伶俐日前就Post出同老公度假相片，留言：「他說帶我去個新地方...去了一個好寧靜的湖...住了一間亦僅此一間的屋！！！」陳伶俐hashtag話係一個好好嘅體驗，又感恩地表示自己好幸福同好多謝老公，睇見都覺得甜呀！

{{hket:inline-image name="6.jpeg"}}{{/hket:inline-image}}

相中見到佢同細仔以及老公入住嘅屋起喺湖中，四面都係水，想幾時暢泳都得。放眼百里內都冇任何建築物，環境清幽，成個世界好似得番3個人咁，相當溫馨浪漫！

陳伶俐老公一直都非常寵愛太太，上年世界盃期間，因為陳伶俐朋友嘅一個訊息，劉頌銘就立即撲飛，最後竟然成功為太太買到卡塔爾世界盃四強賽事，見證阿根廷以3比0擊敗克羅地亞晉級總決賽，不停為二人創造難忘回憶，呢個老公，真係拉高晒地球男人標準呀！

圖片來源：Instagram