Coffee林芊妤「釣金龜」進化「老公食軟飯」 稱賺錢買花戴：凡事得極端兩面？

33歲Coffee林芊妤入行十幾年，可謂話題性十足的藝人，這日在最新的社交平台Threads內，發長文講老公翟志榮最近被指「食軟飯」一事，澄清另一半養得起她有餘，深感別人的閒言閒語不用計較太多。

同場加映：

Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

{{hket:inline-image name="353829313_835399554610120_2627626160112558490_n.jpg"}}{{/hket:inline-image}}

{{hket:inline-image name="ilikesunday_350984298_1308867113174057_2130996769139190113_n.jpg"}}{{/hket:inline-image}}

Coffee同翟志榮於2018年結婚，並育有一子翟德彥（伯伯），一家三口生活幸福。她不時在網上分享家庭樂，亦有推廣個人瑜伽事業，社交平台擁過百萬人follow，相當之成功。近期Threads成為大熱社交apps，Coffee亦有開個人帳號，其中一個post就提到老公被指「食軟飯」，表示：「噚日喺度同老公講笑，講起之前有人話佢『食軟飯』，我突然醒起當初大家知道咗我要結婚嘅時候，有傳媒知道佢係銀行高層，出咗新聞話我嫁畀銀行家。跟住當時好多人話我貪慕虛榮，終於畀我成功釣到金龜，之後仲傳我開公司都係老公打本畀我做先開到（其實開公司唔使好多錢）。到而家大家都知道，我係靠自己開公司做生意，呢幾年仲做得幾好，就開始有人話佢『食軟飯』，要靠老婆。」

Coffee林芊妤自爆心跳不正常去求醫 伯伯暖男上身：我好擔心你【下一頁】

她表明「睇化晒」這類言論，同時幫另一半澄清，他養得起老婆，「所以大家就算生活上遇上別人閒言閒語，都唔使太計較，因為人只會好主觀去睇一件事。咁好似我嘅例子，點解事情就只能有咁極端兩面？一係就我貪慕虛榮，如果唔係我老公就係『食軟飯』？講真，老公當然養得起我，我的確可以選擇唔工作，好好相夫教子，其實女人想好好靠自己努力闖出一片天，都係一個個人選擇，我好開心自己可以賺錢買花戴，未來自己控制到，我可以好自信地講，就算有一日發生咩事，我依然有能力照顧到彥彥，我可以決定幾時想買就買、幾時想食就食。想帶自己爸爸媽媽屋企人去旅行，我唔使徵求老公金錢上嘅同意。」

Coffee一家三口遊台灣曬清涼Look 網友驚見4歲伯伯有腹肌： 遺傳呀？【下一頁】

最後表示︰「女人喺任何階段都要不停自我增值，而家嘅網絡世界就算足不出戶，都可以學到好多知識，千祈唔可以同呢個世界脫節，我哋一齊活到老學到老，加油。所以當有人去評論你嘅人生，請你好好記住，如果你因為人哋嘅睇法而改變自己，你過嘅係佢想要嘅生活，並唔係你想要嘅生活。每個人都有自己嘅選擇，而你嘅選擇都唔需要向任何人交代，你嘅人生你只需要向自己交代。」

（↓點擊圖片放大↓）

不少網友睇完文章後留言表示支持：「人生就是一場內在的修行和體驗，不是和我過日子的人又怎會明白」、「講得太好了」、「女人要靠自己，加油」及「YES，人生只需要跟自己交代」等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】