Sing之天使合體丨林芊妤幫藍莓香蕉公開招親 劉俐向舞蹈界發展郭穎橋最大反差

庾澄慶、鄧健泓主持嘅《耳分高下》中嘅一班助手「Sing之天使」令人眼前一亮，劉俐（藍莓）、陳蕊蕊（柑桔）、王淑玲（香蕉）、林婉霞（雪梨），即現時的林芊妤（Coffee）、李婷（檸檬）、郭穎橋（菠蘿）、陳艾壎（水蜜桃）、徐詩敏（布冧）等當時都有唔少宅男fans，藍莓、柑桔及香蕉，到後來的《美女廚房》更成為「美味天使」的一員。唔經唔覺15年已經過去，日前Coffee同幾位「Sing之天使」聚會，仲公開為佢哋招親添。

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

Coffee同藍莓、香蕉、菠蘿以及美味天使關宛珊（蜜瓜）聚會，幾個美女都冇咩點變樣，Coffee拍片逐個影，表示藍莓同香蕉都係單身，去到菠蘿度佢就笑住話對方扮單身，之後影住關宛珊囝囝話佢都係單身，叫大家快啲去追佢哋，用自己社交平台幫朋友脫單。

{{hket:inline-image name="96624edc526024f030f42a748e9428bd.jpg"}}{{/hket:inline-image}}

Coffee同關宛珊依然有喺娛樂圈打滾，藍莓、香蕉同菠蘿都已經退出娛圈，當中最大反差嘅就係菠蘿郭穎橋。郭穎橋轉型退出娛樂圈之後，打返份平常工作，儲咗兩年錢，就去台灣讀攝影。剛畢業，郭穎橋就獲馮志強導演邀請為電影《大樂師·為愛配樂》影劇照，令佢感受到台前幕後每一個人都好用心、好熱誠去拍攝。當時導演仲揀咗一張佢影嘅相做海報，令佢好鼓舞。攝影事業剛起步時收入不多，2017年獲ViuTV邀請參加攝影真人騷節目《攝．太帥》成為總冠軍，郭穎橋開始嶄露頭角。郭穎橋希望開公司，希望男攝影師主導嘅市場有更多攝影師加入。

劉俐（藍莓）2014年約滿TVB之後就轉行做售貨員，之後又到時裝批發公司擔任客戶服務，目前於舞蹈界發展得相當不錯，不時會參加拉丁舞公開比賽，又經常受邀出席舞蹈表演。而香蕉（王嫣辰前名王淑玲）就相對更低調，但師承馬君程「兩儀派」就似乎有意向堪輿界發展。