林芊妤家傭姐姐照顧伯伯超妥貼 離鄉7年終回家被Coffee引爆淚腺

林芊妤（Coffee）於2018年與圈外男友翟志榮結婚，婚後一直相當幸福，二人育有一子翟德彥（伯伯）。Coffee同老公都為事業博殺，所以自伯伯出世後就請咗家傭姐姐幫手，至今唔經唔覺已經四年！日前Coffee喺社交平台宣布姐姐要回鄉嘅消息，唔少伯伯嘅fans都當正姐姐係「一家人」，非常唔捨得，Coffee仲打埋千字文，搞喊大家！

同場加映：忽然心動丨湯洛雯首次拍電影七日起貨嗌爽 栢天男演出租男友堅食蟲？

{{hket:ul-video id="6937"}}{{/hket:ul-video}}

Coffee表示姐姐嚟佢屋企工作之前已經3年冇返鄉下，而喺佢屋企工作呢4年又一直因為新冠肺炎冇離開，已經足足7年冇返過去見自己囝囝，所以姐姐呢次都會留喺印尼一段時間。Coffee指自己幾個月前已經為彥彥開始做心理輔導，但直至姐姐完約走嘅前一日彥彥依然堅持話:「我知道姐姐會回來找我的。」

Coffee呢幾日要照顧彥彥又要做家務，但佢就好樂觀，話如果喺外國生活的話，連家庭嘅起居飲食都要獨自負責埋。佢又表示好感激姐姐咁喜歡彥彥，所以就算有啲事姐姐做得唔夠好都唔會去怪責：「因為我每次出門工作時，都很安心地把兒子交給她去照顧，這就足夠了。試想想一星期沒見兒子就那麼難過，更何況她已經分開了7年，所以我也是非常贊成她回去陪兒子。」

{{hket:inline-image name="273827825_361834355492639_483400314193589186_n.jpg"}}{{/hket:inline-image}}

Coffee仲喺姐姐臨走前額外畀咗一筆獎金多謝佢嘅付出同心血：「感謝生活中曾經有她在，我會好好記住這份緣分！彥彥這兩天沒有吵沒有鬧，但其實我知道他內心很難過的，我認為這一點性格跟我老公有點像。」

姐姐離開嘅前一晚，離愁別緒，彥彥同姐姐分別搞喊Coffee。感性嘅彥彥問媽媽：「有一天你也會離開我嗎？」Coffee就答彥彥：「當然不會呀，我會一直都在。」暖心嘅彥彥就話：「嗯，姐姐走了不要緊，爸爸不在也不要緊，因為媽媽你是最Important的。」然後Coffee半夜突然醒咗瞓睡唔著開酒自飲，當佢差唔多返房時，姐姐喺房出嚟，Coffee同姐姐講：「姐姐你要好好的喔。」姐姐都忍唔住喊，回答：「小姐你別這樣我不想哭，我知道你一直都對我很好謝謝你。」

唔少人都話睇到喊，留言：「好鍾意呢個姐姐！但祝福佢！」、「睇得出呢個姐姐好錫BB」、「想問睇啲片睇到喊咗正唔正常？」孫慧雪都留言：「睇到我都眼濕濕，有好姐姐真係好難得呀！」

圖片來源：Instagram