雋悅長者屋

幫朋友到北角新光戲院買粵劇門票，竟偶遇多年不見的大學師姐Peggy！見她容光煥發，忍不住盛讚。Peggy謙稱只因染了頭髮︰「咁有緣，上嚟我度坐下啦，好近㗎咋，過條馬路轉個彎就到！」盛情難卻，同時聚舊心切，於是就跟着Peggy走！原來她就住在香港房屋協會其中一個長者房屋項目——雋悅！故友李怡也曾住雋悅，他曾經講過，在那裏居住的4年，是半生住屋住得最開心的日子。

雋悅是只租不賣的非資助房屋項目，目標住戶為中產長者，設施一流之餘，最緊要是處處以便利長者生活為先。一入升降機，就見到內有座位，這對年輕人來說，可能可有可無，但對80、90歲的長者而言就十分需要。其中一部通往住宅單位的升降機特別大，可讓急救床直接進入，在危急關頭下相當重要！

與Peggy去位於雋悅的「聲哥廚房」歎杯茶，她說仔女都已移民英國，更謂現在年紀有番咁上下，安心好緊要，這裏每個住戶單位都設有平安鐘，有事按一下即有人上來幫忙，有兩聲咳又可以到樓下睇醫生，西醫有養和，中醫有浸大，個心都定晒！Peggy身心安康，難怪多年不見依然keep得咁好！

（本欄逢周五刊登）