母親的抉擇｜準港媽欲產後餵奶粉 遭阿嫂轟炸推廣母乳 拒絕後被對方一個舉動致崩潰

餵哺母乳沒有對與錯，都是父母評估後的最佳選擇。近日有準媽媽在社交平台投稿，指因自己上班下班時間不穩定，故與丈夫商討後決定之後以奶粉餵哺BB。然而，其嫂子是一名「超級人奶fans」，不斷向事主宣揚母乳的好處，被拒絕後更因一個舉動令事主感到非常崩潰。

同場加映︰

Sick問識答｜亂「啪頸」恐致中風死亡 物理治療師拆解2類手法治療+成效

{{hket:ul-video id="8464"}}{{/hket:ul-video}}

該名準媽媽日前向Facebook專頁「生仔要考牌系列」投稿，指因為工作的上班和下班時間不穩定，與丈夫商量後，決定日後會餵BB飲配方奶粉，比較簡單。然而，事主的嫂子是一名「超級人奶fans」，「真係覺得餵人奶得天下嗰種。由我宣布我有咗，阿嫂佢已經不停洗我腦。」

事主表示，自己曾向嫂子解釋過無法餵母乳的原因，「我明白人奶嘅好處，但基於我覺得我唔可以定時泵奶嘅關係，所以我決定餵奶粉算數」；惟對方卻不斷拿出證據，推廣餵哺母乳的好處，

「為咗證明畀我睇泵奶唔係咁煩，佢開始不定時咁通知我佢幾時泵奶。有時係一個訊息，有時連埋一張相，再同我講類似『其實幾時都可以泵㗎』、『加油』之類嘅訊息，亦會不定時畀好多人奶資訊我。」

事主又試過在工作期間，收到訊息後沒有即時查看，直至6、7小時下班後才按進訊息內，「清一清啲訊息，篤入去等佢『已讀』就算」。但嫂子看到「已讀」便立即致電，再詳細講解訊息內容，令剛下班的事主大感煩躁；於是她向嫂子再次解釋目前已決定餵奶粉，或待將來BB出世後再作決定，目前是否餵哺母乳並非急切的議題，「阿嫂聽完灰咗，卒之收到線，天真嘅我以為終於完咗......」

正當事主以為嫂子聽過解釋後就已完結，但事隔幾日對方再向事主發訊息，並附上一張有幾包奶的相，內容指：「阿妹，我諗過啦，我幫你開始儲奶，我泵定幫你雪住，放心交畀我。」對此，事主感到非常崩潰及無奈，「痴線㗎！我對人奶唔反感，但我反感人奶膠。」

網民︰好多人認為唔餵人奶係死罪

帖文一出，隨即引來大量網民留言，認為嫂子行為偏激，未有尊重事主的選擇，「好多人認為唔餵人奶係死罪，等於唔愛小朋友，唔係好媽媽，好似邪教咁，好得人驚」、「佢哋唔識尊重兩個字？」

內容獲「生仔要考牌系列」授權轉載。

母乳功效｜3歲兒子跌倒流血 阿嫂公廁泵人奶供洗傷口 港媽難接受拒絕得罪對方，詳情即睇︰【下一頁】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂

撰文︰潘迦晴