一舞傾城丨姚子羚認「表哥」長大了難演青澀角色 視網民為老友無懼遭惡搞

姚子羚是無綫藝員之中數一數二多網友的惡搞圖，由2008年《與敵同行》的「表哥」豆豉眼開始，到後來《同盟》的分腿踢腳和《黃金有罪》的「滑翔晶晶」，花光氣力演出卻成為嘲諷的對象。直至近來，網友又主動為她伸冤，指戲份太少常被公司忽略，這種又愛又恨的關係實在矛盾。姚子羚覺得藝人跟普通人無異，跟觀眾們保持著老朋友的關係，她感激大家的「肉緊」，深信繼續用心演戲，觀眾總會看得到她的努力。

{{hket:ul-video id="8302"}}{{/hket:ul-video}}

姚子羚在劇集《一舞傾城》飾演警察臥底，以媽媽生身分混入夜總會「萬國城」中查販毒案。雖然戲份不及年輕少艾的舞小姐性感和搶戲，她卻享受其中，表示︰「我好鍾意呢種充滿年代感嘅味道，幾適合我自己，近年都冇乜機會演媽媽生嘅角色，夜總會都已經式微啦。好彩劇組唔係要我扮清純演初出茅廬嘅舞小姐，如果唔係難度仲高。年輕嗰份純真、幼嫩只有當年嘅我先有，如果你要我再演《當四葉草碰上劍尖時》嗰個文文，我都唔知做唔做到。」她認為女演員達到一定年紀，應該找跟自己年紀差不多的戲路，演上去會比較舒服。這次演出媽媽生那份風情萬種又面面俱圓，其實也不是容易事，她預告劇中除了描述夜總會辛酸事，亦會帶出戲假情真的姊妹情，相當令觀眾動容。

{{hket:inline-image name="0-8.JPG"}}{{/hket:inline-image}}

{{hket:inline-image name="0-10.JPG"}}{{/hket:inline-image}}

一舞傾城︳花絮劇透姚子羚帶隊去舞廳拉人 李嘉衰收尾 關楚耀被車撞死？【下一頁】

入行21年，現年42歲的姚子羚由人家的妹妹，到近年接到的角色總是徘徊在女一和女二之間，今次《一舞傾城》的演出，網友紛紛議論，替她甚少戲份感到不值。「見到網民留言話『佢應該要做女主角』，或者認為我戲份太少，即係代表觀眾有留意我，戥我不值，有時都好開心。呢方面我好感激，角色分配都唔係我可以控制嘅範圍，我能夠控制嘅就係做好演員本分，戲份多與少唔應該諗咁多。每套劇總要搵唔同演員去迎合各類人物角色，唔可以因為係姚子羚演，而硬加十場戲畀佢吖嘛！」她認為只要用心演戲，那怕只有一場戲，演得出色的話，觀眾一樣看得見。

一舞傾城丨姚子羚車廂拍嘴戲難忍笑 鄺潔楹：SM戲絕不享受【下一頁】

網友的「肉緊」並不是一朝一夕，早於2008年《與敵同行》，姚子羚在車廂中探頭稱呼「表哥」的一幕，遭網友刻意P圖變「豆豉眼」，以後她跟「表哥」這個花名就連在一起。後來《同盟》的分腿踢腳、《黃金有罪》的「滑翔晶晶」，均成為搞笑片段的黑材料。姚子羚完全沒有介懷，「曾經有一次喺街拍攝，聽到後面有人大叫『表哥』，我就擰轉頭問係咪嗌我呀？呢一代文化就係咁，同大家一齊玩，我覺得唔錯。」

姚子羚認為當藝人不是高高在上，只是平凡人，職業是一名演員，將作品呈現給觀眾看，將歡樂帶給大家。「將自己位置放得太高，反而令人覺得難以接觸，有時覺得多個暱稱都唔錯，『表哥』容易記又唔難聽，比起大家睇唔到你好好多！當然，我希望將來觀眾諗起姚子羚唔止係『表哥』，而係一個努力工作，好好嘅演員。希望大家會視我為一位朋友，未必真係見到面，但感覺係認識好耐嘅朋友仔。」

{{hket:inline-image name="0-23.JPG"}}{{/hket:inline-image}}

{{hket:inline-image name="0-25.JPG"}}{{/hket:inline-image}}

{{hket:inline-image name="0-6.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：何家賢、馮凱宜

場地：Studio Meta

化妝︰Henry Li

髮型︰Taylor Wan @Leonardo 3 Hair Corner

服裝︰Sandro Paris