43歲葉璇演18歲少女勁牽強 撞樣梁漢文觀眾大呻尷尬難受

43歲嘅葉璇主力在大陸發展，現時好少拍劇嘅佢經常帶貨，而每次帶貨都幾乎會引嚟大家熱烈討論，而討論多數都唔係正面，而係講佢嘅奇怪行為、出位打扮同埋嚴重走樣嘅外形。早前ViuTV宣布好耐冇返港拍劇嘅葉璇將會參與拍攝劇集《法與情》，同劇美女如雲，有謝安琪、陳靜、賈曉晨及李芯駖等，到時一定有一番「惡鬥」。

同場加映： 

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

{{hket:inline-image name="WhatsA.jpeg"}}{{/hket:inline-image}}

未有得睇《法與情》，觀眾就睇住葉璇拍嘅內地劇先。葉璇2020年拍攝古裝劇《譙國夫人》早前播出，扮演女主角「冼夫人」冼英，然而，佢竟然要演少女時代18歲左右嘅冼夫人？過去，葉璇被譽為「最美的古裝打扮女藝人」，但呢次劇中打扮可以話係打爛自己生招牌，當然仲有經典嘅委屈扁嘴扮可愛樣，43歲嘅佢驚現雙下巴、皺紋同鬆弛，「少女味」三個字實在牽強；同時，劇組都好有誠意咁「貫徹」佢哋嘅idea，現年43歲嘅男主角任重，都飾演20歲後生仔，同葉璇襯番做一對。

內地網民大呻尷尬兼受罪，對劇組呢個操作感到不明所意，留言︰「有沒有考慮過觀眾感受」、「你不尷尬嗎」、「導演是否認為觀眾是沒有眼睛」、「為何要逼一個40多歲的人扮少女呀」。有網民更找來葉璇年輕時嘅古裝劇照，感慨：「青春小鳥一去不回來」、「觀眾的命......也是命」、「就湊合著看嗚嗚」、「導演是怎麼選演員的」、「侮辱我眼睛」、「是請不到年紀小的演員嗎」、「現在看上去又老又壯又肥」，最啜核精警係呢一句︰「點解而家會咁似梁漢文？」話就話《譙國夫人》劇情講述冼夫人的一生，咁選角都要合理，唔通講冼夫人5歲嘅故事時，又搵葉璇扮咩！

撰文：娛樂組