奧比斯•依視路「眼鏡Look Look」嘉年華 互動遊戲+工作坊

黛安同大家分享一個親子放電好去處，話說致力喚起公眾對眼睛健康關注嘅奧比斯，將於下周末（5月6及7日），喺灣仔海濱HarbourChill海濱休閒站推出奧比斯•依視路「眼鏡Look Look」大型嘉年華，現場仲有互動遊戲、造型氣球義賣及舞台表演等，其中親子點字工作坊、蒙眼瑜伽體驗同蒙眼街頭音樂，畀大家用心去感受視障人士嘅世界；而「眼睛BLING BLING站」就會免費幫6至12歲兒童進行視力篩查，完成後仲有紀念品㖭。

小朋友仲可以參加「眼鏡Look Look設計比賽」，發揮小宇宙創作一副「矇查查眼鏡」，參加者可獲頒證書及精美禮品包，冠軍得主更可獲兒童驗眼服務1次、依視路指定鏡片連Ray-Ban®指定鏡架1副，以及高達$2,000書券等。只要捐款$180就可以報名參賽，籌得嘅善款會用作支持奧比斯嘅全球抗盲工作，好有意義㗎。