親子關係｜不滿兒子寫字醜成績差 單親港爸將公仔分屍：下次撕爛你最鍾意嗰隻

管教子女各有各法，但高壓手法長遠而言的確未必有效。一名單親港爸疑因就讀小一的兒子學習表現欠佳，把心一橫將對方的布公仔撕爛，甚至將支離破碎的公仔分別入落袋，再貼上門口以示「警告」。其威脅式教仔手法受不少家長非議，單親港爸堅稱自己的行為未有傷害對方，反指教導子女的種種付出不為外人道。

同場加映：
管家王｜開冷暖風機犯2個大忌易報銷 維修達人提醒：熱力風速勿經常開到盡

{{hket:ul-video id="8074"}}{{/hket:ul-video}}

有港媽於Facebook專頁「生仔要考牌系列」投稿，她指自己加入一個香港單親家長群組，打算與其他同路人交換育兒心得。惟事主發現負責管理該群組的單親港爸經常發放「負能量」文章，日前他主動透露一則恐怖消息，令事主覺得有需要將事件公開。事主指出，該群組管理員的小朋友寫字欠佳，故將對方心愛的公仔撕爛，甚至將公仔「分屍」再將各部分分成3袋並貼於門上，以作「警告」，

「對小朋友嘅心理創傷陰影都咪話唔大！」

港爸預告行動升級：下次撕爛你最鍾意嗰隻

據事主截圖所見，該位港爸於帖文怒罵其小朋友寫生字「肉酸」，稱「唔識串唔識默（書）」。港爸已多次警告小朋友會剪爛其布公仔，但對方每次僅表示「畀次機會」。港爸見多次警告無效，故終於撕爛其中一隻公仔，甚至揚言如小朋友再無改善將有「進一步行動」，

「下次你再係咁會撕爛你最鍾意，BB陪到而家嗰隻！我係好錫佢好寵佢，但品德同學習我好嚴格。」

網民質疑威嚇手法教仔有害

據另一批截圖所見，撕爛公仔帖文下有不少家長都認為港爸做法過份，認為恐怖行為或在小朋友心中留下陰影。有人就認為以威脅手法教導小朋友難有正面效果，認為做法在短期內或有效果，但長遠而言只會令孩童缺乏安全感，長大後或形成自卑懦弱性格。

港爸堅稱無錯：旁人唔會明白

事主指涉事港爸其後將帖文刪除，並再發出另一帖文交代自己行為「經過深思熟慮」。港爸解釋指其兒子成績表現不理想，已入讀小一但程度有如K2，才特別緊張。對於撕爛公仔或令小朋友留下心理陰影，港爸解釋，該隻公仔並非兒子最愛甚至「從來唔玩」，認為自己行為不會造成傷害。

港爸續說，撕爛公仔後兒子雖大哭一場，但「喊完食咗飯好似乜都冇發生過繼續玩」，又強調對不同小朋友有不同管教方法，自己一心只求兒子成績合格，反指「旁人唔會知我用幾多時間心機教佢」。

內容獲「生仔要考牌系列」授權轉載。

U Lifestyle App睇盡《晴報》新聞資訊及自家節目
↓↓同步更新、更快更順↓↓
【免費下載】