惜食堂獲領展贊助 設首間環保概念店

惜食堂連續7年成為領展「愛．滙聚計劃」其中一個贊助項目，喺領展嘅鮮活街市和商場回收食物，製作成飯餐及食物包，送畀有需要人士及家庭，並設下每年回收逾600噸食物嘅目標，希望惠及190萬人。黛安收到風，今年惜食堂更獲領展贊助，與「領展可持續未來館」合作推出首間嶄新環保概念店「米仔站」，集零售、食物捐贈及支援服務、倡導惜食文化，及推廣環保消費於一身。

「米仔站」主要部分包括會員換領區、購物區、環保工作坊及食物回收箱。例如「米仔站」會員可先下載及登入惜食堂手機應用程式，每名會員每周可透過手機應用程式免費獲10個米仔電子代幣，然後到「米仔站」會員換領區，按其需要及喜好選取貨品，揀完貨品再到服務處畀店員扣減代幣，便完成換領手續，方便快捷。想知更多詳情可參考惜食堂fb專頁。