麥當勞APP $1歎奶茶大可樂 八達通找數最多賺足$10

隨消費券正式派發，市民買嘢食嘢意慾高，麥當勞APP都乘勢推出7大優惠幫大家慳多啲。今日起至周五（21日），早晨時段用1蚊即可歎到錫蘭茶葉沖製嘅港式奶茶，啱晒打工仔醒醒晨；下晝同夜晚都係用1蚊，就可以飲到杯大可樂。公關姐妹話，仲可加配優惠，朝早加15蚊就可食埋芝蛋脆雞包，午後加12至14蚊，可揀配魚柳包、雞蛋漢堡包或芝蛋脆雞包，保證肚仔飽滿。

用八達通找數仲有額外優惠，即日起至5月13日期間，只要喺麥當勞APP內用八達通埋單，每滿40蚊即有5蚊增值額，推廣期內可賺足10蚊。公關姐提醒，名額有限，記住「先食先得」了。

另勁受歡迎嘅將軍漢堡及玉子雙層將軍漢堡，都推出咗36蚊同43蚊套餐優惠券；脆辣雞腿飽用30蚊就歎到套餐，仲可以用36蚊搭配麥炸雞、汽水同1款小食；加埋朝早21蚊嘅醒晨超值選優惠券，真係由早食到晚，都咁滿足開心啦。