煤氣烹飪中心法國IDE專業烹飪文憑 即將招生

新冠疫情期間多咗人留喺屋企煮食，唔少人都想增進廚藝。黛安知道，煤氣烹飪中心同著名法國廚師會合作，開辦有完整架構嘅傳統法國IDE專業烹飪課程「烹飪藝術文憑」、「糕餅藝術文憑」及「烘焙藝術文憑」，今年度課程將開始招生。

香港中華煤氣零售市務及營業總經理王佩兒（Catherine）話，中心早於2014年已經同法國廚師會合作開辦課程，由米芝蓮星級大廚教授，學員亦有機會去米芝蓮星級餐廳或星級酒店實習，畢業時可獲法國政府認證嘅「法國廚藝訓練證書」，能夠喺法國執業或開餐廳，課程至今已訓練逾300名專業廚師。

課程仲吸引唔少名人報讀，如今屆畢業生就有藝人劉心悠，佢由以往唔敢揸刀到成功完成540小時課程，日前已取得「法國IDE烹飪藝術文憑課程」畢業證書，佢話課程除咗磨練其廚藝，更令佢成長唔少㖭。