42歲陸詩韻素顏上陣拍廣告做生招牌 雙眼大縮水：要對自己有番啲信心

2005年《香港小姐競選》亞軍陸詩韻（Sharon）淡出幕前轉型從商，創立了網店「Sharon's Workshop」主理日本護膚品牌，最近衝出亞洲，跟歐洲多個品牌合作，代理來自瑞士、法國和意大利以植物成份為主的護膚品。日前，Sharon化身「生招牌」為網店拍攝廣告，為配合天然的主題，「豁出去」以素顏上陣，認真突破。

同場加映：

死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

陸詩韻兒時內褲當泳衣玩選港姐 桃色糾紛兼事業失敗難面對家人【下一頁】

{{hket:inline-image name="oLRuOobQ.jpeg"}}{{/hket:inline-image}}

老闆娘陸詩韻為這次拍攝安排了五個造型，當中不乏騷長腿露香肩，素顏上陣來呈現出天然、真我的效果，Sharon除了拍攝前密密做Facial及三天前開始節食保持最佳狀態之外，甚至不惜拔除植下多年的眼睫毛，她自言「望唔慣」，「起初望自己都唔太習慣，後來望望吓感覺唔差，最好笑係我可以見番自己啲真嘅眼睫毛。」

Sharon自爆花近半年時間為廣告構思及籌備，事前參考了不少國際級品牌，了解趨勢，妝容偏向自然，已經不太流行濃妝豔抹，加上受到前輩級人馬的啟發，令她定下素顏決心，說：「以前冇植眼捷毛，我會好冇信心。見到好多前輩如鍾楚紅、朱玲玲、鄭文雅等，佢哋冇化濃妝依然係明艷照人，我覺得應該要對自己有番啲信心。」話雖如此，在拍攝前一晚，她依然緊張失眠，「今次拍攝背負着好多身分同責任，好大壓力，上場影相特別緊張。」

有種老闆娘｜陸詩韻入娛樂圈4年轉戰商界 做護膚品牌老闆發圍望45歲退休【下一頁】

早前有指於疫情期間，Sharon的公司直播半小時營業額已破百萬。她坦言疫情以來的三年間，網店生意的確不錯，「批發上的生意是受到影響，網上生意OK。而喺過去一年，生意上出現飽和情況，自己都會有啲壓力，反覆思索點樣可以做得更好？一定要居安思危。」疫情下充滿太多未知之數，也直言期望開門市，「下一步應該開體驗店先，因為所需嘅人手冇咁多。」

即使轉型從商，Sharon還是沒有放棄演藝事業，她指：「對幕前工作依然有興趣，其實對上一次拍劇已經係兩年幾前《熟女強人》，諗諗吓而家都有啲技癢，都要視乎時間配唔配合到。」Sharon最希望參與真人騷，「好多人問我平時係咪唔着波鞋？成日都見我着高踭鞋，又會問我係咪瞓覺都Set住個頭...所以我想拍真人騷，畀大家知我原來唔係咁，想將真實嘅自己呈現。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

圖片：大會提供、陸詩韻IG