MIRROR丨呂爵安Edan稱逢親同盧瀚霆Anson Lo合照就被鬧 谷氣回覆網友：出聲又話我小器

MIRROR成員呂爵安（Edan）昨日分享跟隊友盧瀚霆（Anson Lo）在日本拍攝的合照，他們見到日版《大叔的愛》黑澤武藏（吉田鋼太郎 飾）的廣告海報，不忘合照打卡，「爵屎」（Edan粉絲）和「神徒」（Anson Lo）非常雀躍，想起兩人合作香港版《大叔的愛》，「田牧CP」之感再次浮現。不過某網民留言斥Edan故意炒作CP影響別人，他罕有地回覆對方反擊，令不少人心感擔心，希望偶像早早消消怒氣。Edan昨晚在日本獨自開直播跟粉絲傾偈，主動談及今次事件。

同場加映：

死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

《大叔的愛》丨與盧瀚霆遇原版大叔「情侶」合體 「唯粉」鬧爆Edan挑起事端？【下一頁】

{{hket:inline-image name="334577070_1427662554644710_1003619762444206281_n.jpg"}}{{/hket:inline-image}}

{{hket:inline-image name="9_600.jpg"}}{{/hket:inline-image}}

{{hket:inline-image name="6_600.jpg"}}{{/hket:inline-image}}

接拍袁劍偉電影《盜月者》的Edan跟Anson Lo、張繼聰和白只身在日本，昨日剛好劇組放假一日，Edan晚上IG直播同大家傾偈，一開始就用上「莫生氣」的濾鏡，大大隻「莫生氣」三個字放正額頭，主動提及他反駁網友一事。「今日單嘢其實我係冇生氣，好多人問點解會驅使我去回應佢？因為我平時唔理唔應。其實好簡單成件事，因為唔係好想大家會有呢個感覺。首先我唔係做緊呢樣嘢（炒作CP），而有啲人有咁嘅感覺去發放呢件事，就會影響其他人覺得我真係會做呢件事（炒作CP）。」Edan越講越嬲，選擇深呼吸將怒火壓抑住，他表示這次不是單一事件，以往經常發生，每次分享跟Anson Lo的合照就會收到海量的inbox，「每逢Po親同佢嘅嘢，就有人鬧我，鬧唔緊要，有網民刻意用密友形式Tag我『問候』我，點解覺得好唔舒服呢？因為我冇得選擇唔睇，一路撳就會睇到佢個Story，佢（網友）要問候我，好似被迫地被人問候咁！」

Edan後來採取封鎖行動，免得眼冤，「我玩IG都係求輕鬆啫，同朋友去日本，影張相都好正常啫，唔使咁大件事呀？我覺得唔講唔出聲，情況只會越來越誇張，我唔想被誤解，所以留咗言。講真，要賣CP的話，我哋就不斷Po啦，事實完全唔係呢回事，我估到呢個回應會引起報道，又話我小器覺得被講中。」

死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通【下一頁】

{{hket:inline-image name="82_600.jpg"}}{{/hket:inline-image}}

{{hket:inline-image name="80_600.jpg"}}{{/hket:inline-image}}

{{hket:inline-image name="81_600.jpg"}}{{/hket:inline-image}}

{{hket:inline-image name="83_600.jpg"}}{{/hket:inline-image}}

Edan認為藝人的一舉一動總是容易被曲解，「唔出聲就硬食，出聲就被人話小器，點都死，呢個概念好奇怪，點解現實生活被人屈唔可以出聲？只要呢件事唔係對罵鬧交，唔係人身攻擊，大家理性討論啫，唔係唔健康或者唔應該做！」他明白公眾人物「食得鹹魚抵得渴」，出街被認出來不可以埋怨，而被人鬧或誤解就無辦法接受，「大家互相尊重，無論咩粉絲都好，將心比己。何況嗰個係我自己IG，點解我Po嘢都要思前想後？唔應該係咁，偶像唔代表唔可以討論！」

Edan提到今次的拍攝工作，跟張繼聰、白只和Anson Lo都好鍾意劇本，各人都甚有發揮，「同張繼聰、白只佢哋傾劇本真係大開眼界，希望今次MIRROR三子，我、姜濤同Anson Lo都畀到唔同嘅感覺大家。」他率先劇透自己角色常要用到一個道具，就是眼睛放大鏡。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組