男團MIRROR昨日到會展出席《Viu X MakerVille 2023項目發布會》,宣傳12子首次合體拍攝的電影《12怪盜》。有鏡粉擔心12子戲份不平均,隊長楊樂文(Lokman)強調不能以戲份多少衡量,反而着重是否有發揮。另外,有鏡粉投訴航空公司的鏡仔歌單「唔齊人」,Lokman即安撫歌迷,表示眾人的歌曲將陸續推出。
同場加映:中年好聲音丨吳大強Chill住管教任四個仔發展 71歲追夢感幸福:畀大家睇到衝勁
MIRROR成員楊樂文、江𤒹生(AK)、姜濤、陳卓賢(Ian)、李駿傑(Jeremy)、柳應廷(Jer)、王智德(Alton)、邱士縉(Stanley)、邱傲然(Tiger)及陳瑞輝(Frankie),昨日聯同韓星李帝勳、林家棟、陳湛文及伍詠詩現身。鏡仔合體初登大銀幕,演出首部電影《12怪盜》,他們透露大家角色會鋤強扶弱,但不是超級英雄。目前他們已完成電影圍讀、度身、試衫及上戲劇堂,但未正式開工拍攝,「因為等緊寫劇本同改劇本,可能仲要等幾個月至半年。(有無女主角?)無。」
12子人多勢眾,不少鏡粉擔心眾人戲份分配不勻,Lokman立即安撫道:「我哋有各自叻嘅地方,有時戲份多,但無得發揮;咁你寧願戲份少,但又好有發揮呢?所以唔可以咁樣去衡量嘅,同埋一部電影分布嘅時間都唔同,所以好難去計。」他們透露在戲中將有動作場面,所以公司安排幾位要有特別技能的成員上堂,但拒絕透露誰的動作戲較多。
昨日缺席的呂爵安(Edan)及盧瀚霆(Anson Lo)正身在日本拍新片《盜月者》,有份客串的姜濤說:「我唔使去,喺香港join佢哋,但遲啲會去日本做嘢。(覺得可惜?)下次都有機會嘅,因為時間問題,演出部分又無咁多。」此外,有航空公司在航班上提供MIRROR歌單,但有人發現Jer一人佔了七首單飛作品,相反AK、Ian及Jeremy的個人單曲無影,引來鏡粉投訴。Lokman表示︰「其實啲歌畀晒佢哋,但無可能一次過擺晒上去,佢哋有先後次序,好快就會有,放心。」而韓星李帝勳昨日宣傳將在黃Viu播放的韓劇《模範的士II》,他大讚香港的電車和的士很有特色,希望將來有機會拍攝以電車為題材的電影。
撰文:倪小珊 採訪:黃寶蓮 攝影:林良明