黃埔天地4月美食現金券優惠 回贈高達$150

4月派首期消費券，又係瘋狂購物嘅時候。紅磡黃埔天地趁復活節來臨，推出消費即賞美食現金券計劃，只要喺場內商戶以電子貨幣消費滿指定金額，憑單就可換到美食現金券。公關姐妹教路，最低消費滿400蚊，就可換到50蚊美食現金券，滿800蚊就可換到100蚊現金券，如此類推，最高可換到150蚊嘅現金券食好嘢。

美食現金券仲可在多間人氣食肆用到，好似文青最愛嘅本地精品咖啡「NOC Coffee」，好得意嘅柴犬主題Café「Black Sugar Coffee」等，連米芝蓮指南必比登推薦川菜「詠藜園四川擔擔麵」都食到；扒房「Outback Steakhouse」同燒肉店「YAKINIKU KAKURA」一樣收現金券，保證大家食到舔舔脷。