網購因運費問題起爭拗時有發生，一名港媽發文訴說，近日網購後透過集運公司送貨，顯示貨件重量為6公斤，惟她收貨後自行秤重，發現僅重約3公斤，質疑對方報大數「呃秤」，經理論後更被「終止服務」。集運方事後回應，指涉事客人自去年多次反映重量有差異，已向對方解釋，鑑於不獲客人信任，為減少誤會和爭拗，才決定退回所付運費和終止其帳戶。
同場加映：
管家王｜回南天滿屋濕氣易發霉致呼吸問題 8種除濕法寶效用大拆解
該名港媽近日在Facebook群組「淘寶唔開心share （中伏group)」中發帖，表示早前從網購平台「淘寶」購物，並透過集運公司送貨。從事主上傳的截圖可見，集運公司顯示的貨件重量為6公斤，運費52元，扣除積分後實付42元。然而事主收貨後，以公司磅秤重，發現貨件僅重3.12公斤，她即怒斥：
「如果3.12kg收4kg錢條氣都順啲，收6kg又過份咗。佢掉番轉頭話我個磅唔準，我個磅公司用嚟收貨，一日用幾廿次。」
事主向集運公司反映，職員回覆指其使用的「超級舊嘅磅」早在5年前停產，而且每個磅的精準度不一，「我哋倉貨每件貨由0.2起，如果每件量度台頭機會好準」，又指每件貨都是秤重後才包裝。
↓ 點 擊 圖 片 放 大 ↓
- {{hket:inline-image name="WhatsA_600_600.jpeg"}}{{/hket:inline-image}}
- {{hket:inline-image name="95sUgqm.jpg"}}{{/hket:inline-image}}
- {{hket:inline-image name="FsywiDG.jpg"}}{{/hket:inline-image}}
- {{hket:inline-image name="aPfZsw1.jpg"}}{{/hket:inline-image}}
- {{hket:inline-image name="cCxUgqm.jpg"}}{{/hket:inline-image}}
- {{hket:inline-image name="emb2qiG-redacted_dot_app.jpg"}}{{/hket:inline-image}}
然而事主不接受集運公司回覆，表示「後日再搵第2個磅睇吓」、「咁等我出埋倉嗰堆貨同餘額」。未料集運公司指有鑑於事主多次表達「不信任」，不希望雙方繼續爭論或有誤會，提出全單免費，但會終止其帳戶服務，表明不會再為她轉運貨物到香港，著她請其他公司接收剩餘貨件。
有網民看到帖文後，認為事主多此一舉：「幾廿蚊運費拎個磅去磅」，但都有人質疑該集運公司「呃秤」：「集運公司幾廿蚊都呃，個個都呃幾十，佢咪好好賺」、「計畀自提點只係2kg，收你就6kg，實重4kg，呃晒自提點同客人，公司實賺大錢」、「當人水魚咁劏，一唔畀劏就話退完錢終止用戶」、「咁咪轉過間囉，得佢一間咩而家」、「最衰係有貨畀佢hold住」、「做生意唔係咁㗎嘛，又係自己講0.2kg，收就0.5kg，然後突然發脾氣話唔做你生意，講吓道理好喎」、「重量準確是極為重要，少了一件貨有得追番，不良商店，最好報畀『淘寶』blacklist（黑名單）佢公司」。
集運公司回應
涉事集運公司上周日（2月26日）在Facebook專頁發帖，指該客人去年4月9日首次作出WhatsApp查詢，職員曾聯絡客人指如覺得重量有異常，可要求倉庫重新量度，同時送上大額優惠券，希望客人滿意。
至去年6月27日，另一張單共15件貨的總重量出現約1至2公斤的差異，公司希望找出原因並解釋清楚，遂主動聯絡客人，但一直無回覆，惟對方卻發文指公司「計多咗佢運送重量」，但上載的截圖無顯示日期和15件貨的重量，公司只好公開回應。
↓ 點 擊 圖 片 放 大 ↓
- {{hket:inline-image name="WhatsA_600_600.jpeg"}}{{/hket:inline-image}}
- {{hket:inline-image name="332559743_765946837984508_2415493757979186616_n.jpg"}}{{/hket:inline-image}}
- {{hket:inline-image name="332889704_153372557536675_692738490374132063_n.jpg"}}{{/hket:inline-image}}
- {{hket:inline-image name="332721981_917511569435605_6565908961257688021_n.jpg"}}{{/hket:inline-image}}
- {{hket:inline-image name="332914966_2456431031181717_5597679340494116712_n.jpg"}}{{/hket:inline-image}}
- {{hket:inline-image name="332885141_2085784478281994_4183019690436287780_n.jpg"}}{{/hket:inline-image}}
- {{hket:inline-image name="332500794_6033577673365591_7795650752888436689_n.jpg"}}{{/hket:inline-image}}
直至最近客人再次指公司多收運費，為減少誤會和爭拗，公司只好終止其帳戶，並表明可退回所有已付費用，希望盡力令客人滿意安排，
「希望大家積極樂觀面對所有事情，面對投訴，我哋都會正面面對。世界上可能冇完美嘅服務，但我哋會盡量令客人滿意，幫客人諗最好嘅解決辦法，因為辦法總比困難多！」
有網民看到帖文後留言支持公司，並分享自己的經歷：「之前有次出咗貨發現系統計多咗錢，客服都好快解決，退番錢，仲退多咗做補償添」、「我已經用咗好多次介紹咗好多朋友！加油」、「我都曾經有件貨係體積問題，客服處理得好好，佢好努力幫我去解決問題」。
淘寶中伏 ︳$370淘衣櫃5塊蔗渣板斷裂，港男退貨不果：只能硬食，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂