賽馬會「手作確幸」計劃 培育年輕人接觸工藝

活在科技發達嘅年代，用心製作嘅「手作」顯得格外矜貴和溫暖。工藝師傅嘅功力係不可取代嘅手感記憶，而且洋溢着民間智慧，黛安都希望社區可以延續各種傳統技藝。

黛安知道，中大藝術系聯同設計及文化研究工作室與行政長官卓越教學獎教師協會，早前携手推動由香港賽馬會慈善信託基金捐助，為期3年嘅《賽馬會「手作確幸」青年工藝教育計劃》。計劃集中以「木作」及「陶藝」兩類手作工藝，並以文化、工藝、創意和創業4個核心理念互相緊扣。計劃嘅特點係針對年輕人進行全方位跨科學教育，鼓勵佢哋嘗試接觸工藝，擴闊對手作工藝嘅想像和視野，學藝之餘更會涵蓋學員嘅創業培訓，令到手藝能達至可持續發展。

「手作確幸」團隊將於3月3日至8日，喺PMQ舉辦展覽及手作市集，將以20間持續3年參與「手作確幸」嘅中學為單位，分20個攤位喺市集供同學擺賣手作產品，仲會配合連串工作坊及講座，分享學生嘅學習成果和推廣手作工藝。詳情可【按此】瀏覽相關資訊。