復活節愉景灣沙灘獵蛋奇兵 掘彩蛋贏獎品 總值逾$100萬

每年復活節，黛安都會帶契女去玩，今年就打算參加「愉景灣沙灘獵蛋奇兵」親子活動，活動喺4月7至8日（星期五至六）舉行，3至10歲嘅小朋友可到大白灣沙灘化身獵蛋奇兵，尋找埋喺沙灘嘅彩色復活蛋。大會準備咗逾3萬份獎品及精選特別大獎，獎品總值超過$100萬㗎。此外，愉景廣場仲特設「愉景灣x Oh！爸媽放電節」遊戲區，提供各種精采活動及遊戲，獵蛋奇兵及公眾都可以玩足一日㗎。

獵蛋奇兵活動會按年齡分成4組參加遊戲，每位參加者會獲贈歡迎禮品包，包括掘蛋工具、紀念品及優異證書；成功獵得一隻復活蛋仲可換領大會指定嘅獎品，如能搵到各種顏色嘅巨蛋，更可贏得特別大獎。今年獵蛋奇兵活動部分收益將撥捐「鄰舍輔導會」，為大嶼山及愉景灣區內有需要人士提供社區支援服務，令活動倍添意義！活動由3月8日起喺KKday公開報名，每張獵蛋通行證嘅行政費為$250。詳情可【按此】瀏覽相關資訊。