張致恒餅印弟弟與家姐Jan慶生 Steven前度莊韻澄與張詠恩友好

張致恒(Steven)同太太雯雯的關係時好時壞，兩公婆不時「耍花槍」，睇到唔少網民亦覺煩厭。然而最近雯雯每次於社交平台搞「你問我答」被問到與Steven關係，似乎都想同對方劃清界線，而Steven就完全消失，冇再喺社交平台出現。

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

不過日前「Steven」就出現咗喺家姐張詠恩（Jan）嘅平台，更引嚟多口網民留言。其實張詠恩post出嚟嘅合照，另一個同Steven好似餅印咁嘅細佬張致良(Ryan)，張詠恩每年都會同呢個細佬慶生，今年蛋糕上寫有「人見人愛」。有網民疑似係認錯佢係Stevne，留言問︰「認真，仲要人見人愛？」張詠恩回覆︰「你係咪有少少誤會？」其後有人再指出其實相中人係Ryan。

{{hket:inline-image name="33221997.jpg"}}{{/hket:inline-image}}

Steven同家姐張詠恩自2019年後就冇再合體，張詠恩曾經喺Steven宣布結婚時，於社交平台post出弟弟同雯雯嘅合照，留言：「祝福你們在這亂世中彼此擁抱最大的愛❤️ 對，我要做姑奶了，I love you both❤️ *已fact check！」又曾經同Steven一齊工作時post合照留言：「少有地同條肥仔一齊工作😆」可見二人當時關係唔差。

後來Steven被爆借錢唔還等醜聞，似乎非常拮据，當時佢為養家而到酒店做兼職，張詠恩昨都欣賞弟弟作為藝人可以放下身段去打工，不過佢話冇介紹其他工作畀弟弟，話唔想太保護佢，認為佢應該搵自己嘅目標、行自己嘅路。當時佢又表示感恩對方仍有骨氣，沒有向家人要求經濟幫助。

不過依家睇嚟Steven同家姐嘅關係都相當疏離，相反Steven嘅前度莊韻澄就同張詠恩keep住友好，莊韻澄生產前後都有同家姐聚會，輸咗個男人，都贏咗個朋友！

另外，Steven的太太雯雯雖然一個人湊住三個小朋友，不過近日她以網名「ugly mama」開設自己個人生意，賣寵物零食，聲稱純手工、純天然、全人手製作，暫時IG店有近200人Follow，但雯雯都有講明：「因要照顧小朋友，只限星期六錦上路站交收/順豐到付。」不少人對於雯雯自力更生都大感安慰，紛紛留言支持她。

圖片來源：Instagram