張致恒妻稱三胎懷孕皆意外被圍插 回應網民「嫁錯郎」問題可圈可點

張致恆（Steven）與老婆區燕雯（雯雯）於2019年奉子成婚，結婚後3年抱三，分別係3歲嘅大仔天寶、兩歲嘅二仔天牧同出咗世個幾月嘅細仔天朗。由於Steven婚前男女關係混亂，又曾因欠債而被公開追債，一直不被睇好可以好好照顧家庭。不過二人仍然喺「銀根緊拙」嘅情況下誕下三子，今日就有人問到雯雯關於備孕嘅問題，雯雯嘅答案令到佢同Steven再次被圍插。

同場加映： I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

雯雯趁生日前喺IG玩「你問我答」同網民互動，有人問雯雯會唔會想追多個女，雯雯回應說︰「雖然一直好想有個女，但冇得強求，而家已經好滿足。」其實之前Steven曾透露有意做結紥手術，但之後開直播時又表示或者5年後，如果情況許可就追多個女。

另外，有網民叫雯雯提供一啲貼士畀準備做媽媽嘅朋友，佢就自爆︰「其實咁多胎都係意外。」言論即刻惹嚟網民狂插：「可以結紮，幾個都話意外。」、「究竟意外懷孕嘅定義係咩？」

{{hket:inline-image name="22.jpeg"}}{{/hket:inline-image}}

有網民就直接追問佢點解會話係意外，雯雯解釋：「其實大家會唔會太執着同埋敏感有冇避孕呢？ 我意外嘅意思係冇特別諗過同做啲乜嘢令到有小朋友，我意外嘅意思就係自然就有咗，我表達能力唔係太好。」

提到自己的生日願望，佢就話︰「生日願望，好想可以喺冇人責罵情況下，帶佢哋（小朋友）去迪士尼同海洋公園，呢樣係我覺得最對唔住佢哋，咩童年都畀唔到佢哋。」有人再問係有咩人會責罵佢，佢就回應：「當你生活上需要別人幫助，好自然別人就對你有管制。」似乎係指財政上仍然唔可以完全靠Steven撐起。

雯雯亦似乎對老公嘅表現唔太滿意，有網民留言︰「希望佢可以生性啲幫你分擔多啲，等你唔好咁辛苦。」雯雯貼出一張Steven拖住小朋友嘅相，又寫︰「希望可以承你貴言。」似乎認同老公仲進步空間。之後更有人問雯雯有冇後悔揀呢個男人，雯雯就畀咗一個可圈可點嘅答案，只係話：「呢個問題都幾得意。」

{{hket:inline-image name="32.jpeg"}}{{/hket:inline-image}}

唔少網民都話「冇眼睇」，但又同時覺得佢哋嘅小朋友好無辜：「啲細路大過咗實勁憎佢哋，係都要提住，鬼唔知佢哋係老竇老母咁。」、「其實周永恒都係賤男，都冇人提佢啲仔女，係呢對父母成日用仔女刷存。」、「似乎再用唔到『窮有窮養』呃自己。」不過都有網民撐佢哋，為佢哋打氣：「湊幾個真係唔容易，已經好叻。」、「大家都唔係佢啲小朋友，點知佢小朋友唔開心呢。」

圖片來源：Instagram