雯雯繼續怨爆張致恒又懶又廢 到忍耐臨界點：你呢種人生存為乜？

張致恒（Steven）跟粉絲女友雯雯（區燕雯）2019年奉子成婚，婚後誕下三子，張天寶、張天牧和張天朗，二人除咗經濟狀況唔穩定之外，婚姻狀況都危危乎。喺三仔天朗出生前，雯雯揚言要同Steven離婚，不過三日後二人和好更宣布懷有第三胎。早前雯雯又再次喺IG講到Steven嘅行為觸及佢底線，不過二人就仍然一齊；今日（9日）雯雯又再次公開插爆Steven，仲要直線抽擊，不留情面！

同場加映：  萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

雯雯近日都好頻密更新社交平台，但字裡行間充滿怨氣，每當佢玩你問我答有網民問到佢同Steven嘅關係時，雯雯都含糊其詞，不過東網民問到Steven有冇幫手照顧小朋友嘅時候，雯雯都表示佢有做到父親嘅角色。不過今日雯雯就埋怨Steven就連老竇嘅責任都冇做好，更狂鬧佢「廢」，雯雯留言：「做人窮唔緊要，但如果做人唔爭氣，樣樣嘢都仲要懶，咁就係廢。」

{{hket:inline-image name="14111c44e27af5869a8427f97f690ea2saasftp20200221.jpg"}}{{/hket:inline-image}}

之後佢再發文鬧老公連小朋友都唔好好湊：「你話你攰唔舒服要瞓覺，OKAY，咁我去執嘢，啲仔兩點要去到醫院。只係要求你畀嘢佢哋食，換衫準備好，我返嚟即刻出門，（但你）一點半仲瞓喺張床，你要廢要懶無問題，但既然你要生小朋友，可唔可以尊重吓佢哋，唔好因為你嘅問題去影響佢哋。我真係忍唔到幾耐，完全唔理解你呢種人生存為乜。」

雯雯對Steven越來越冇耐性，上年9月佢喺社交平台上載十多年前仲係Steven fans時嘅合照，稱喜見丈夫轉變，仲鼓勵老公：「你唔需要人去睇好你。」不過雯雯10月時又突然清空IG全部有Steven嘅相片，更unfollow對方IG。