雯雯公審老公張致恒慣縱兒子 兩公婆一人一套：我真係唔識教

錢雖然唔係萬能，但冇錢又的確會好頭痕。喺昨日，區燕雯（雯雯）因為育兒嘅問題而公審老公張致恒（Steven），講到尾字裏行間透露金錢嘅問題令佢非常不滿老公嘅育兒方式。事件再次引起網民熱烈討論，批評二人害咗下一代。

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

雯雯post一張玩具背景嘅相，帶怨氣咁留言公審老公縱容囝囝：「以後大家唔好買禮物畀我3個仔，個仔撕爛晒啲書，一個幾百蚊嘅玩具周圍掉。當我話要睇實佢哋先好畀佢哋玩，佢哋爸爸只會話『小朋友係咁，所有嘢係身外物，咪買過囉』。我真係唔識教小朋友，我自問亦冇咁多錢，所以每一件玩具，我都會好錫住。」

{{hket:inline-image name="294639632_749480399631898_2017094596911874979_n.jpg"}}{{/hket:inline-image}}

唔少網民都將重點放喺雯雯囝囝玩幾百蚊玩具一事上，指佢哋一家雖然窮，生活質素就維持中產，令人費解；又有人認為佢唔應該將責任完全推到老公身上，要教精佢，「請埋工人幫手湊仔，都唔洗做家務啦！有時間仲唔畀心機教仔。乜都怪個老公，你平時對住啲小朋友最多時間，你唔教？」又有網民苦口婆心勸佢哋唔好再生小朋友，唔識教只會衍生更多家庭同兒童行為問題。

其實Steven曾經喺直播解釋屋企有咁多玩具嘅原因：「啲玩具係3年以嚟儲落，由佢（大仔天寶）細個開始，唔捨得掉，婆婆、舅父、太婆...個個成日送玩具，我哋唔使買玩具。」直播期間天寶冇時停，不停「擒」爸爸，又多次拍跌鏡頭，十足十馬騮；Steven見到天寶呢啲行為都冇責備佢，有時反而大笑，真係錫到阿仔燶。

Steven同雯雯育有3個仔，外界擔心曾經欠債嘅佢哋要養大棚小朋友可能好困難，佢哋曾公開回應：「窮唔代表冇資格生仔，窮有窮養。」同時雯雯不時於IG暗示生活艱難，自爆被逼遷，幾乎冇屋住，又自責未能帶小朋友去主題樂園玩。

圖片來源︰Instagram

撰文：黃蘊姿