戶戶送投資$100萬 助外送專員提升專業技能

現時各行各業都講求優質服務，黛安聽公關姊妹講，戶戶送將投資$100萬，與職業訓練局（VTC）合作推出全新外送專員技能提升課程，協助外送專員發揮個人潛能。全新課程將為有意拓展商業知識，以及提升機械工程相關專業技能嘅外送專員提供進修機會。為期3天嘅商業課程，有助外送專員學習管理、溝通、市場營銷及創業等知識，拓闊就業出路。

姊妹話，除咗提升商業技能外，外送專員亦可報讀電單車維修課程，學下如何自行修理車輛，有需要時仲可幫助同業者㖭。除咗以上兩項全新課程，其實戶戶送現時都有透過戶戶學院與外送專員獎學金計劃，為外送專員提供700多個OpenClassrooms嘅免費網上課程，支持佢哋長遠發展及成長。