KFC超勁辣黃醬登陸香港 試食價$43歎全新雞卷餐

最近KFC為香港粉絲帶嚟風靡全球、喺英國及澳洲好暢銷嘅獨家醬汁「超勁辣黃醬」（Supercharger Sauce），黛安聽聞，呢個醬汁係由KFC自家研發，喺蛋黃醬加入香辣酸甜嘅刺激味道，最適合與KFC各款炸雞食品作配搭。

KFC更以深受歡迎嘅「脆雞卷」作為「超勁辣黃醬」喺香港初登場嘅搭擋，特製出「超勁辣黃醬雞卷」，單手就可以輕鬆享用美食，即日起喺全綫香港及澳門KFC分店發售。

公關姊妹話，KFC每次推出期間限定產品都會成為市場熱話，全新推出嘅「超勁辣黃醬雞卷」就將香脆炸雞條、爽脆酸瓜及洋蔥絲，一同捲入墨西哥烤餅之中，製成層次分明嘅多重口感，配埋香辣酸甜嘅「超勁辣黃醬」，食落每一啖都衝擊味蕾，令人一試難忘。堂食或外賣自取「超勁辣黃醬雞卷」單件售$34起，套餐價售$47起；即日起至3月15日，如果用手機App優惠券落單，仲可以試食價$43購買「超勁辣黃醬雞卷餐」㖭。詳情可【按此】瀏覽相關資訊。