梁茵在《愛回家之開心速遞》中飾演拜金女Anita一角，角色深入民心，不過自從George（張明偉飾）和她先後約滿離開TVB之後，兩人的角色在劇情中亦不了了之。直至近日一集傾到「尋寶圖」的詛咒，指「尋寶圖」兩年內有四個人相繼離開，包括Anita、豹叔（黎彼得飾）、歸蜀明（繆家慶飾）及呂冠君（謝嘉怡飾），從其他人口中交代幾位的去向，其中Anita原來是嫁畀油王做少奶奶，仲生咗仔添！
同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲
《愛回家》威龍潘金蓮︳梁茵離巢後財困做侍應被嘲落難 憂慮患抑鬱：自己要看得起自己【下一頁】
梁茵昨日出席公開活動，對於角色Anita被安排嫁出，「都算係一個好開心嘅happy ending！本身我同張明偉個角色George有啲發展，好希望結局係喺埋一齊，不過佢離開咗之後，我自己覺得戲份都唔多，所以跳出comfort zone！好多網友都有話我知呢個安排，我覺得幾好，又符合番角色性格，恨嫁有錢人好耐啦，終於恨到！」
現實生活中，梁茵坦言由於角色的形象關係，一度令她在外面傾工作的時候有所影響，她表示現時努力在網台《Chill歎男女》工作，除了幕前主持工作外，還會跟客戶商討不同的合作，她說：「主要係同商戶聯合介紹餐廳或者商品，離開大台之後，開始要獨立自己接嘢做，初時都有驚，好擔心追唔到條數，近排經濟復甦又好似好番啲，我都係覺得慢慢趨向好嘅方向。」
她表示離開大台的時候疫情還未完，很多公司都以此為理由，令她長達半年時間被拖糧，每次幾千至幾萬元不等，「就算去小額錢債審裁處追，都花好長時間，身心都好攰，而家有啲都未知追唔追到。細個唔識，引起好多是非，而家網台台長同主持都係男士，我同佢哋一齊出去傾就會舒服好多，（蝦你小女人？）角色係壞人拜金女唔討好嘛，出嚟效果係咁都冇辦法。」
《愛回家》Anita丨梁茵離巢無綫亮相開電視煮嘢食 肥媽拒跳糟換後生靚女輪流上場【下一頁】
梁茵坦言慢慢開始習慣工作節奏，待人處事都變得更成熟，現時沒有再在餐廳做侍應，她說：「冇喇！而家暫時搞得掂，好多謝呢個過渡期大家幫忙，見我被好多間公司拖糧，就搵我做餐廳侍應維持收入。我明白做藝人有時唔好擺自己擺得咁高，既然唔想搵親戚借錢，就好好做呢個位，其實我好樂觀睇呢件事，做餐飲冇問題，就算將來做老闆開店都要落手落腳啦！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：楊安莉