野外步出2｜梁茵爆喊呻迷茫冇能力照顧屋企 質疑入錯行：我盡唔到孝道

處境劇《愛回家之開心速遞》內飾演「威龍潘金蓮」Anita的梁茵，10月向傳媒透露已約滿無綫，可謂跟隨劇中她的CP、補習天王「佐治」張明偉的步伐，選擇離開大台外闖，尋求更加好的發展。昨晚（7日）方紹聰（奶仔）主持的節目《野外步出2》，竟然播出梁茵擔任嘉賓的一集，沒有作出刪剪，而作為離職無綫前最後一個參與的節目，梁茵在鏡頭前盡訴心中情，講到屋企人時當場爆喊，被奶仔封為「喊得最淒涼的嘉賓」。

{{hket:inline-image name="dac58795-9ec7-4356-b01b-009563a5459c.jpg"}}{{/hket:inline-image}}

{{hket:inline-image name="12071001.jpg"}}{{/hket:inline-image}}

同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲

{{hket:ul-video id="4841"}}{{/hket:ul-video}}

奶仔、梁茵昨晚一集去到主題樂園拍攝，最後搭纜車時來個真情對話。當談到早期讀訓練班（畢業於2012年）時收入好少，家人是否對她選擇有所懷疑及無信心？梁茵當場感觸爆喊，一邊講：「都會……覺得有時自己嘅努力未必可以換來回報，因為屋企人都好錫我，我阿媽希望我搵份好工，唔使咁辛苦……我唔係有錢人嘅出身，爹哋媽咪都做緊嘢，好多時候我覺得自己無咩能力幫到屋企，因為我仲有個細佬。屋企人咁多資源畀咗我，覺得對我細佬好唔公平，有時個心好唔舒服，我繼續呢條演藝之路係咪啱呢？收入咁低，如果屋企人經濟有問題又唔講，我驚辛苦咗佢哋兩個，即係作為女，我唔係一個100分嘅女。」

《愛回家》Anita｜梁茵疑離巢資料被TVB官網下架 「佐治」 張明偉今出發到美國登台【下一頁】

梁茵哭訴很多時感到迷茫，要知道做演員去到一個位置時，尤其是做來做去同類型的角色，「其他人定位咗你係一個衰人，或者你係一個小三嘅角色，會覺得你做嚟做去都係呢啲角色，你都無演技……好沮喪就係『咦，我能力原來去到呢度咋』，我喺度諗，自己同演藝嘅夢已經緣盡，好唔開心，即係……作為女我盡唔到孝道，你明唔明？我覺得人生好無奈，好想好努力去做女，但係我又好想堅持夢想，好矛盾，你明唔明？我知自己做其他工作可能搵多啲錢，令到父母唔使咁辛苦，但我堅持咁做係想圓自己嘅夢，好迷茫……唔知我呢個抉擇啱定錯，我開始質疑自己。」

愛回家│尋寶圖Anita消失多月網友急尋 梁茵：未知道幾時可以過番去【下一頁】

奶仔對梁茵的經歷，似乎感同身受，奶仔話：「覺得佢同我好類似，大家都係訓練班嘅兄弟姊妹，都用咗好多努力、時間、心機，去贏到人哋嘅認同；同埋睇到自己嘅努力，終於可以去到自己想去到嘅水平。如果用一句說話形容梁茵，我希望係『一齊努力』。」梁茵認同奶仔之言，表示：「我同佢的確有幾多相似地方，大家都係訓練班出身，都係用自己嘅努力去證明畀人睇，其實自己有一定實力。如果用一句說話去形容佢，我會覺得佢同我一樣有團火，繼續努力，希望大家支持我哋！」

（↓點擊放大睇圖片↓）

今個月尾滿28歲的梁茵，是無綫第26期藝員訓練班學員，2012年開始拍攝劇集，汲取經驗，直至2017年在《愛回家》飾演「威龍潘金蓮」Anita，跟「佐治」張明偉組成的CP大受歡迎，因此為觀眾所認識。梁茵、張明偉於今年內先後離開無綫。梁茵今年10月接受訪問時，透露公司指其「包薪騷舊合約」不達標，續約時要她無底薪當「還騷」，據理力爭不果後而決定外闖。梁茵質疑公司「計騷」方法，卻無法得出答案，而過往底薪只有數千元，因高峰期試過「爆騷」，數量過百，收入總算維持到生計，可是在無綫近9年時間，薪金卻是有減無加。

此外，奶仔對於梁茵在節目上情感大爆發，他透過短訊向《晴報》表示：「佢喊足一程纜車！《野外步出2》喊得最慘、最淒涼，就係佢。」另外，日前他出席「保協生命傳愛慈善跑」活動，同場見到其偶像蘇樺偉，亦即時化身小粉絲跟對方合照。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}