葉璇直播採礦鼻屎拉絲極噁心 米芝蓮身形盡現網民擔心精神狀況

現年42歲嘅前華姐冠軍葉璇近年都喺內地發展，甚少影視作品嘅佢專心經營直播帶貨「事業」，唔知係為咗出位定係真係「放飛自我」得咁要緊，不時喺鏡頭前做出失儀行為。繼前排剪腳甲同搽cream之後，佢又再喺鏡前撩鼻，睇到人眼都凸呀！

同場加映： 健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

葉璇早年開始進駐抖音直播帶貨，越來越多藝人加入戰團，一般人都係平實介紹貨物，同時有好多人出奇招「兜客」，其中葉璇就似乎以騎呢出位，引起好大爭議！佢昔日身材纖瘦，近年身形不斷暴脹，現時變得肥腫難分，網民謔稱為「葉大媽」。每次直播葉璇都着貼身衫，凸晒腩，大露車胎腰，仲顯見胸部下垂；除此之外，佢會中途做出各種破壞形象嘅行為，例如不顧儀態咬蟹殼，抬起腳搽cream，剪腳甲等等。

{{hket:inline-image name="7e5b8c6501ee25ab61033a5a068c8810.jpg"}}{{/hket:inline-image}}

日前，噁心程度升級！除咗一身車胎多到變「米芝蓮人」之外，葉璇仲紮起孖辮仔，頭頂仲要𥹉𥹉哋，疑似多日冇洗頭。最恐怖嘅係，佢直播期間將紙巾塞入兩個鼻窿，再不斷轉動紙巾，從其表情睇嚟似乎得到「鼻孔高潮」，就係唔知觀眾睇到該作何感受？然而，葉璇將紙巾拉出先係最核突，明顯見到拉絲同紙巾上有異物，令人反胃。

有不少內地網民將葉璇的怪異行徑截圖，事後再討論，認為應該規管呢啲人以噁心出位帶貨。有人猜測佢點解會用呢個style拍片，留言：「葉璇是不是故意走這接地氣風格呢」、「好奇怪，有點擔心她的精神狀況」、「正常人不會在鏡前做這些」。有人為女神崩壞感到婉惜，指葉璇1999年當選華姐時又靚又fit，都係唔少人嘅夢中情人！

撰文︰娛樂組