奧比斯 × SmileyWorld 推3款新春義賣禮品

買賀年禮物除咗要體面，仲可以做埋善事，黛安知道，奧比斯今年第三度與國際品牌SmileyWorld合作，推出3款新春限定慈善義賣禮品，包括人氣熱賣利市獎券、利市封，以及手工曲奇茗茶禮盒。全新嘅「手工曲奇茗茶禮盒」包含獨特嘅藍莓燕麥及腰果口味曲奇，再配搭天仁茗茶熱賣嘅阿里山原片及東方美人茶，鬆化嘅曲奇與清醇茶香完美交織，絕對係健康嘅送禮首選。

今年嘅禮品設計概念用上應節福兔，配以Smiley笑臉，希望喺新一年為大家帶嚟歡樂及福氣，向摯愛親友送上節日祝福及好意頭，同時與奧比斯攜手將重見光明嘅希望傳遞畀世界各地嘅眼疾患者。因為有關收益喺扣除成本後，將全數撥捐奧比斯全球救盲行動，可以為弱勢失明社群帶嚟重見光明嘅希望。大家可到奧比斯慈善義賣網站www.orbis.org/hkcnysales訂購以上禮品。