周潤發激罕與「劍神」張家朗自拍交流 出身基層保持謙卑：處高位咪以為好高貴

DIOR邀請到品牌代言人張家朗和香港人最愛野生捕獲的偶像周潤發進行對談，大會發放的10分鐘影片中，發哥用熱情融化心情緊張的「小粉絲」張家朗，兩人一黑一白造型，發哥親自用手機為家朗影靚仔相，而家朗亦特別帶備奧運金牌跟發哥自拍留念，絕對是難能可貴！

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

周潤發參加越野錦標賽成全場焦點 來者不拒Nice打招呼跑步變巡遊【下一頁】

{{hket:inline-image name="fat9.jpg"}}{{/hket:inline-image}}

{{hket:inline-image name="220755263_349125100121747_8314577029362126720_n.jpg"}}{{/hket:inline-image}}

發哥一開始以「偶像」來形容張家朗，家朗起初緊張到面容扭曲，不過發哥開玩笑打破冰冷的氣氛，「我好少要咁樣望人（仰視），好唔忿氣，有人竟然高過我！佢比我想像中靚仔同高大，又溫文有禮，熒幕第一次見佢，就係佢打緊金牌嗰場戰，好有型！最難忘有一下已經過咗（對手）身邊仲可以倒劍咁，好瀟灑！金牌之戰喎，你都可以好冷靜！」發哥坦言事後重溫家朗多年來的比賽片段，由巴西奧運到東京奧運，他完全感受到他的轉變和成長，令他心癢癢都想學花劍。

家朗表示見到發哥本尊實在不敢相信，「通常睇到佢都係電影睇，我第一套睇應該係《賭神》，之後朋友介紹之下，有翻睇《英雄本色》同《監獄風雲》，其實舊有嘅香港電影我都好鍾意睇，實在有啲唔敢相信見到你！(你上山就可以見到我！）我有少少緊張，話晒第一次見，加上我都好怕醜。」

{{hket:inline-image name="zMaqFtUz8GNuJ61rOGuBbl0-bYMV4Jw8Ulf8sFJX_LA.jpg"}}{{/hket:inline-image}}

張家朗現年25歲，發哥回憶他25歲的時候正在拍緊《上海灘》，「當時我仲喺香港搵食做嘢，佢已經衝出國際得到奧運金牌，我哋所謂去荷里活拍戲都只係見識、見聞，佢哋係直情去打仗喎！我哋有好多時間要鋪排，但佢哋一上場就係15分，佢哋壓力真係好大。」發哥指他跟家朗同樣是10幾歲時開始向夢想努力訓練，但相信家朗比演員所走的路辛苦得多，家朗聽到發哥體會運動員的艱辛都大為感觸，事關有時候遇到低潮或者會轉牛角尖和不開心，家朗說：「我諗真係香港精神，真係好捱得，唔容易放棄，希望喺我自己嘅比賽上，畀香港人體現到呢種精神。就好似奧運最後一分咁，唔放棄繼續堅持，無論比賽贏定輸都好，希望做好每一劍！」

{{hket:inline-image name="fat8.jpg"}}{{/hket:inline-image}}

{{hket:inline-image name="106365244_300023141373076_4126316979211755109_n.jpg"}}{{/hket:inline-image}}

{{hket:inline-image name="107063176_166825908217610_1014998947048094991_n.jpg"}}{{/hket:inline-image}}

家朗大讚發哥貴為巨星但非常親民，行山樂於跟市民自拍，絕對值得學習，發哥說：「我嘅出身大家都好清楚，當你有咗（名利），你都唔會摵得甩，始終喺嗰度嚟。其實香港每個階層出人頭地嘅人，都係由基層開始做起，所以我覺得香港人有樣嘢係好。出街大家對我好好，佢都唔當我係一個演員或者明星，周潤發就係佢老友咁之嘛！當你（地位）咁高，你要將身段放番落嚟，等於教練教你有脾氣時唔好喺嗰度發，打劍過程同人生都一樣，輸緊唔好發火，低位時要提起自己，唔好覺得好坎坷，高位嘅時候亦唔好覺得自己好高貴，中庸之道係最好！過程之中係你自己經歷，慢慢會成長。點解你四年前巴西唔得，四年後東京得，就係沉澱，我都唔係一出嚟就得到金馬獎、金像獎影帝，係經過好多鋪排，呢啲係你自己經歷！我好為你感到驕傲，香港第二面金牌，回歸後第一面金牌！」

發哥搞笑稱自己好少接品牌硬照工作，今次絕對難能可貴，他更打趣稱想跟張家朗交換角色，「你教我打劍，我教你演戲，應該幾好玩！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉