得罪造型師系列｜張家朗任品牌大使造型惹熱論 似摷亂版狼人加王小虎土味濃

「劍神」張家朗喺今屆東京奧運男子花劍個人賽中勇奪金牌，為港爭光！一夜爆紅嘅佢除咗社交帳號追蹤人數激增之外，更獲國際時裝品牌垂青，擔任香港新任品牌大使。

同場加映： 【拉闊音樂會】姜濤望下次與花姐跳辣身舞 阿Jer挑機Tyson齊跳舞找數

{{hket:ul-video id="4259"}}{{/hket:ul-video}}

張家朗由運動界進軍時尚界，Dior宣布張家朗先生成為香港新任品牌大使，睇中佢193cm高嘅model身形，着上品牌嘅服裝為品牌「加持」。今次嘅造型照造型照以全新形象示人，除咗以全黑造型亮相之外，連佢平時嘅韓仔平陰髮型冇咗。

家朗喺IG上載造型照並留言：「I dare you to dream.」有網民睇完就大讚佢有型同靚仔，更指佢係super model，不過亦有唔少網民認為佢個妝容同髮型出晒事，留言：「呢個造型唔掂啦、化妝整頭好唔掂呀、佢整蠱你咩」、「得罪講句，個look有啲出事」「你個髮型係咪扮緊Logan?」、「化妝師有啲整蠱喎 堂眉化到唔對稱嘅」、「係咪得罪左造型師」、「點解我有感覺係似黑社會大佬嘅」、「將個型男搞成咁，造型師唔簡單」，亦有人話攝影都出問題：「可以拍得好型，但係佢而家係好似我自己搵電話求其影咁等等。」另外，亦有網民話佢呢個look與馬浚偉同許志安撞樣，唔知大家覺得似唔似呢？