中電夥拍社區美化變電站 推廣節能減碳信息

外國有唔少地方都會透過外牆壁畫為社區添上色彩，黛安聽公關姊妹講，中華電力都推出咗「變電站美化計劃」，透過藝術和創意將人和社區聯繫起來，宣揚綠色和可持續嘅未來。中華電力企業發展總裁莊偉茵、觀塘民政事務專員林兆康、觀塘區中電客戶諮詢委員會主席葉興國，與中華電力及合作團體嘅義工，仲有少數族裔兒童和家長，早前一齊完成咗觀塘鴻圖道67號嘅變電站外牆壁畫，為社區添上色彩，並推廣節能減碳嘅信息。

今次活動係同非牟利藝術團體「畫美麗香港」合作，以地區地標文化和潔淨能源等綠色元素創作壁畫，營造活力社區。計劃由去年6月開始構思，經歷半年時間完成，期間大約有60幾位義工、街坊及社區領袖先後參與。計劃喺去年8月率先於尖沙咀海防道變電站試行，今年1月就輪到美化觀塘鴻圖道變電站，年內仲計劃推展至其他中電供電範圍內嘅變電站㖭。