前港姐季軍丨胡家惠爭撫養權崩潰險跳海自殺 3歲女護母趕走親父：我會好錫你

由連詩雅（Shiga）主持嘅綜藝節目《因為愛情》昨晚一集，最後一個愛情單元主角 Cathy（胡家惠）出場，其人生同愛情故事都曲折離奇。2002年港姐季軍 Cathy，喺娛樂圈短暫發展兩年。樣子標緻，性格開朗活潑的她，年輕時愛情路順風順水，自覺從不孤單。2011年婚後Cathy過著幸福生活，係每一個人眼中嘅「人生勝利組」，怎料遭逢巨變，她從「100到0」跌至谷底！

同場加映：萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

Cathy懷上第二胎時，因為一張附屬卡而揭發丈夫有外遇，她為了兩名女兒選擇啞忍，不過對方沒有受到感動而悔改，而是一再無理剝削。Cathy指前夫當時不想離婚，但又不想跟第三者斬纜，「個男人話『我同你已經冇晒愛情，不過我唔捨得你，因為你真係好好呀！你對呢個屋企付出咗好多，好幫得手，我覺得我唔可以冇咗你呢個屋企人』...」最終Cathy無法啞忍，勇敢走上離婚及單親之路，受離婚官司及女兒撫養權等事宜困擾，她陷入情緒黑洞，多次自殺不果。

{{hket:inline-image name="ce41cc4bfcd89be56f5b284f634c0e46saasftp20200221.jpg"}}{{/hket:inline-image}}

Cathy憶述一次險些自殺的經歷， 「有一次喺郵輪，壞情緒嚟得好突然...當時打緊撫養權官司，佢（前夫）話唔畀個女跟我，我直頭癲咗...我使走咗屋企人同兩個女，走咗去露台出面，閂咗房間嘅露台門同拉埋窗廉，企咗隻腳去出面...準備跳落去，突然之間我個女入嚟係咁喊住叫媽咪，我個心就好實……」她亦放低自殺念頭。

癡心錯付，幸而上天給了她兩名懂事的女兒，在Cathy受盡委屈的日子，竟是3歲女兒為她出頭，保護她免受前夫一再傷害。Cathy憶述既感人又震撼的場面，「阿女見到爹哋返到屋企鬧媽咪，我喺度喊，佢就指住爸爸話：『我要你離開呢個屋企！因為我唔想你再鬧媽咪，你返去自己屋企啦！』然後佢走埋嚟攬住我，叫我挨落佢膊頭度，仲話：『媽咪！你唔好再理嗰個人（指爸爸），你記住我同妹妹都好錫你，雖然妹妹仲係BB，但我會教佢。』」

而今晚播出一集，Cathy細說從義工生活及創業上，逐步走出情緒陰霾，與現任丈夫阿Man分享，實踐婚姻其中一樣重要元素就是——「互相欣賞」。「一朝被蛇咬，十年怕草繩」，能令Cathy走出重創再次相信愛情，除了自身堅強，阿Man對她的暖男式無限付出及支持絕對功不可沒，沒有驚天動地，是最實在的幸福。

Cathy與阿Man拍拖期間，同心跨越不少難關，除了去年突如其來的 「Cancer疑雲」，還有女方背部因為嚴重凍傷以致大部分面積潰爛，有一段時間失去自理能力，連沖涼也要等阿Man放工回家後由對方代勞。正因阿Man無微不至的照顧，才讓Cathy確定終於找到對的人。

撰文︰娛樂組

圖片來源：大會提供