昨晚《萬千星輝頒獎典禮2022》頒獎嘉賓陣容強勁,有多對經典熒幕拍檔出席,包括《刑事偵緝檔案》的陶大宇和梁榮忠、《倚天屠龍記》的吳啟華和張兆輝、《射鵰英雄傳》的苗僑偉和黃日華及《富貴門》的郭可盈和呂良偉等,勾起不少劇迷的回憶。
同場加映:萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈
{{hket:ul-video id="7377"}}{{/hket:ul-video}}
身為「無綫五虎」的苗僑偉(三哥)和黃日華,是昔日的當家小生,二人擔正演出無數劇集,當中在《射鵰英雄傳》內分別飾演楊康及郭靖,角色正邪對立,至今仍為人所樂道。問他們今次一齊返電視城頒獎,有否憶起昔日拍劇的日子?黃日華笑說:「我就諗起80年代點解冇頒獎典禮?如果有嘅話,我哋都攞唔少。」三哥補充話:「係都冇時間啦,嗰時就算有頒獎典禮,大家都冇時間嚟攞,嗰時啲劇集拍得如火如荼,我一年拍6個20集。」黃日華指當年一日拍足24小時,製作時間很急趕,差不多個半至兩個月便完成20集的劇集。
萬千星輝頒獎典禮2022丨抄曾寶儀金鐘獎橋段向楊證樺致敬 黃耀煌獲前輩鼓勵喊到變豬頭【下一頁】
三哥和黃日華是當年力捧小生,工作當然是一劇接一劇,可謂有得亦有失,黃日華承認不是很多人發展似他們,讀完藝訓班後短時間做到主角。三哥表示:「力捧呢兩字係我哋一個嘅動力,公司話力捧,你梗係要辛苦啲,要努力啦。嗰時邊有意見,一有怨言就即刻雪藏,我哋都雪藏咗好多年。睇番而家嘅後生仔,佢哋冇番十年八年真係做唔到主角,嗰時我哋機會可能特別多,啱啱需要一班後生仔出嚟做演員,我哋幾個啱啱喺嗰個時間出道,公司又畀機會,大膽起用我哋一班新人,但公司都好穩陣,我哋身邊一班配角、綠葉、前輩等都係好勁,你諗吓拍《射鵰英雄傳》嗰陣,我哋嘅前輩係司棋姐、曾江、劉江、四哥、秦煌、劉丹,全部都係好勁嘅配角。」
萬千星輝頒獎典禮2022丨陳山聰擊敗林敏驄獲「最佳男主角」 江美儀奪視后爆喊:以為唔係親生女冇獎【下一頁】
黃日華謙稱他們出道時很幸運,不少前輩會教你點演好場戲,令人一生受用。三哥就自爆妒忌過蝦叔(關海山)教黃日華最多,「最深刻嘅係蝦叔好錫華仔,我都有份拍《過客》,但蝦叔係做華仔師父,教咗佢好多嘢,我同蝦叔就好少對手戲,所以嗰時我都幾妒忌佢。(蝦叔好兩杯,有否一齊飲啤酒?)梗係有啦,佢唔係『對啤』,係飲白蘭地,飲酒係佢嘅動力。」黃日華話當年有大膽地勸過蝦叔少飲,但對方卻話唔得,飲完才有精神開工。
萬千星輝頒獎典禮2022丨曾志偉向堂姐曾勵珍頒「萬千光輝演藝大獎」 「TVB係沒有打不贏嘅仗」【下一頁】
提到無綫今年台慶主題是傳承,有甚麼說話分享給後輩?三哥說:「努力,努力再加努力,你唔努力就一定唔成功,但努力又未必一定成功。」黃日華認為要尊重自己身分,身為演員要有演員道德,每次要全力做好功課,鑽研劇本及知道自己角色如何演繹。黃日華之後接受TVB訪問時,透露他亦有留意電視劇,「男仔我睇好丁子朗,我覺得佢演奸角應該會更加好,女仔我鍾意戴祖儀,佢好可愛,而周嘉洛同吳偉豪都唔錯,咁後生就咁多機會,絕對係好事。」
呂良偉期間上前跟二人打招呼時,他亦有給予個人意見話:「TVB係個大家庭,我哋真係學到好多嘢,所以喺出面演電視、演電影都唔會失威,亦唔會失禮TVB。大家要努力,呢個家庭畀我哋一個非常好嘅學習地方。」
(↓點擊放大睇圖片↓)
此外,吳啟華於2016年同蔡思貝、李施嬅合演《純熟意外》後,已有一段時間冇拍無綫劇,他笑言沒有離開過TVB,心一直留在公司,覺得自己仲可以拍劇集,「而家同人搞製作公司,亦可能同TVB合作,劇本已寫得七七八八,都同總經理(曾志偉)傾過,佢都表示好有興趣,睇到時係咪真係可以成功。」談到早前做手遊代言再演張無忌,啟華稱今時今日相對是進步好多,出來效果好過以前,但是卻辛苦好多,「以前舒服好多,戴頭套都唔使黐膠水,以前好前頂帽咁擺上去,好舒服,但而家呢個連後面都要黐埋,但就好靚,完全無破綻。」
撰文:娛樂組
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】