《萬千星輝頒獎典禮 2022》今晚在將軍澳電視城舉行，大會將會頒發16個專業獎項，頒獎禮開始之前，所有角逐獎項的藝人都悉心打扮以盛裝踏上紅地氈，星光熠熠。雖然今晚的天氣寒冷，加上現場涼風陣陣，不少女藝員都抵冷以性感造型示人，其中JW王灝兒、陳煒、胡定欣、陳曉華等成為性感焦點。
同場加映：曾比特牛下成長培養樂天性格 爆炸頭彈走負評成招牌標記
JW王灝兒穿上紅色超闊鬆身低胸吊帶裙示人，她每一個動作都幾乎走光危危乎，成為性感之最，連跟JW王灝兒一齊行紅地氈的朱敏瀚都搞笑用手遮面，不敢直視她，不過由於晚裝太鬆身，感覺有少少似性感睡衣。「我都唔知呀，玩吓囉，唔係成日好多機會著吓啲靚衫，我起初都唔敢著，但真係好靚。我做足安全措施，（最大尺度？）係呀係呀，冇得喇冇呀喇！男朋友冇過目，趁後生乜都試吓，唔通等多十年先著咩？」
胡定欣和陳曉華兩套晚裝有異曲同工之妙，同樣都是打斜中空的黑色晚裝，不過定欣連敏感的比堅尼位置都是透視，認真大膽！定欣走上紅地氈時自信滿滿，大騷她嬌人的腹肌和馬甲線，相當有型！而相對地，陳曉華以往較少性感上陣，今次走動都不敢太大動作，步步為營。定欣表示：「多年來頒獎禮都係裙，我返嚟主要係支持好兄弟陳山聰，希望佢馬到功成，呢個Party Look賀佢！陳山聰都係我服裝指導，我都好鍾意呢條裙，沿途聽到好多嘩嘩聲。」
而下午時間在Facebook揚言因踢波受傷而宣布不會出席頒獎禮的林敏驄，突然在紅地氈亮相，他跟江美儀、郭柏妍和羅毓儀《下流上車族》中的一家人一齊亮相，期間郭柏妍全程扶實林敏驄。林敏驄撐住拐杖步步為營，拍照時舉高「傷」腳讓傳媒拍照，企都企唔穩，「乖女」郭柏妍連影相都唔影住，立即上前扶實他，非常乖巧！林敏驄原來聲稱踢波受傷而缺席，他說：「隻腳腫晒，我本身話唔嚟，但阿女話又call車，一個二個打電話嚟，兩姊妹又喊晒口咁影相我睇！」他表示現時腳傷仍然都隱隱作痛，問到對獎項信心？他說：「我不嬲冇乜所謂，有人報夢畀我，應該冇獎，主要係支持吓屋企人，希望得到最佳劇集！」
陳煒表示今晚性感的晚裝都是由好友何國鉦設計，她笑言連續兩日都不敢食太多，希望保持最佳狀態。陳山聰和李施嬅坦言二人會最後一次以《金宵大廈》組合出席頒獎禮，李施嬅為賀老友特別抽空出席，所以兩人事前特別有襯過顏色，令陳山聰非常感動。山聰說：「今日個心口針係太太今朝送畀我，我特別戴出嚟，今晚最緊要好好享受派對，平常心面對。」
馬國明表示今晚雖然獎項未開始頒，但就不斷收到大家對他的恭賀，事關日前他跟未婚妻湯洛雯今年1月1日正式宣布訂婚，問到婚禮籌備情況，馬明說：「有機會你要問番阿湯，好多都係佢構思，男仔都係配合呀啫，主要睇女仔想點樣搞，適當時候再公布。我今日無獎攞，但都好多人恭喜我，我哋兩個都係傾向旅行結婚嘅，至於香港點搞就要問番佢喇！（外父有咩說話？）都冇乜特別，我哋宣布之前佢哋已經知，當然好開心！(求婚係點？）唔講啦！秘密！總知係簡簡單單啦！冇伍仲衡咁浪漫囉！佢真係做壞規矩，好在我早過佢求咗婚！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：黃曉妍、黃寶蓮
撰文：楊安莉