萬千星輝頒獎典禮2022丨《刑偵》陶大宇梁榮忠久違合體頒獎 鄧智堅蔣家旻大熱獲最佳男女配角

《萬千星輝頒獎典禮2022》今晚舉行，大會邀請到不少經典TVB出身的演員擔任頒獎嘉賓，率先由《刑事偵緝檔案》的最佳拍檔陶大宇和梁榮忠一齊頒發「最佳男配角」獎項，他們一碰頭就鬼馬開玩笑，陶大宇表示男配角要抵得諗，因為導演都錫晒主角，梁榮忠笑言：「簡單嚟講男配角係要好戲但唔靚仔，咁我睇今晚入圍嘅都符合呢個條件啦！」

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈【下一頁】

{{hket:inline-image name="JAR6.jpg"}}{{/hket:inline-image}}

{{hket:inline-image name="JAR7.jpg"}}{{/hket:inline-image}}

「最佳男配角」最後五強是林盛斌、李成昌、吳偉豪、鄧智堅和張頴康，最終由鄧智堅贏出。收到宣讀自己名字時，鄧智堅已經爆喊，他先跟拍檔江美儀相擁，一邊喊一邊答謝各位，非常感動。

至於「最佳女配角」由余安安和葉童頒發，兩人更重溫自己在TVB年代的經典作品片段，睇到現場藝人嘩聲不斷。蔣家旻憑《美麗戰場》的「反骨琪」鍾家琪角色大熱贏出，全場為她歡呼拍掌，家旻在台上感激高層和監製，她說：「多謝你哋無限信任，令我超越自己，多謝呢套劇幕後同事，因為我哋用好短時間去拍，大家付出好多心血，一個人演唔好一部戲，係集合每個人嘅努力。多謝投過我票嘅每個人，你哋支持同鼓勵，我都記喺心入面。好多人覺得我行得比人慢，其實見到好多師兄師姐，真係一步一腳印，佢哋令我明白堅持嘅可貴，冇過往經歷，我係唔會一次又一次超越自己，我會帶住熱誠繼續做好自己！」

另外，大會分別頒發「最佳衣著男藝人」給陳山聰，而「最佳衣著女藝人」則由陳曉華和胡定欣一齊奪得，陳曉華和胡定欣的晚裝非常相似，未知是否因而未能分高下。陳山聰笑言：「我今年講明一定要拎呢個獎，多謝自己咁多年不斷無間斷咁去買衫！」而胡定欣笑言自己無乜機會得獎，但她悉心打扮全為了撐好兄弟陳山聰，而她亦受到他的啟發，近年都不斷買衫打扮自己，身旁的陳曉華坦言慶幸跟兩位一齊得獎，「我會用餘下時間努力買衫！」

梁榮忠和陶大宇隨後接受訪問，他們表示平時見面的機會少，差不多十幾年沒有「合體」出席公開活動，問到會否想再合作？他們笑言幾時都想，陶大宇說：「《刑偵》佢有個仔，可能個仔大咗...」梁榮忠坦言年紀大，未必應付到太辛苦的拍攝工作，他們笑言所以頒獎都是「頭啖湯」，頒完可以好好回家休息，他們表示不知道郭可盈到場，未能碰面感到可惜。

{{hket:inline-image name="537c58a5-291f-4c70-ad33-732659bcff46.jpg"}}{{/hket:inline-image}}

{{hket:inline-image name="0f3a07a7-6805-423a-a57b-84934ab70a14.jpg"}}{{/hket:inline-image}}

{{hket:inline-image name="aeea645c-dceb-4f48-a21c-a5ec5983fa7b.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍、黃寶蓮
撰文：楊安莉