劉穎鏇自小受濕疹困擾向媽媽發脾氣 爸爸陪來港發展與母分隔：我好自責

劉穎鏇（Tiffany）由美國來港生活已經6年時間，參選香港小姐期間受到不少批評，直至早前的《超能使者》中飾演Open一角終於「入屋」獲得認同。疫情之下，去年她終於飛返美國探望媽媽，Tiffany坦言見到媽媽變老感覺非常自責，小時候患濕疹向媽媽發脾氣，長大了又為追夢而令父母相隔兩地，她希望努力在事業上發展，讓父母驕傲的同時，給他們一個舒適的生活好好安享晚年。

{{hket:ul-video id="7331"}}{{/hket:ul-video}}

Tiffany於2016年參選香港小姐獲得亞軍、「最上鏡小姐」及「現場最受歡迎佳麗獎」三個獎項後入行，表面上看似平步青雲的她，背負著的壓力從來不小，離鄉別井來港發展，起初都有不少批評。「電視熒出現的我好高大，我係個女仔但膊頭好橫，大家就會覺得我好大隻，我好唔滿意自己身形，大家都話我大隻，我唔想見到呢兩個字，於是強迫自己去減肥，我好健康地咁極端減肥，正係我人生當中，身體最差嘅一段時間，當時心諗如果我可以矮多幾厘米，或會令我舒服啲。」

{{hket:inline-image name="DSC05793.jpg"}}{{/hket:inline-image}}

{{hket:inline-image name="DSC05809.jpg"}}{{/hket:inline-image}}

{{hket:inline-image name="DSC05785.jpg"}}{{/hket:inline-image}}

超能使者丨劉穎鏇恃青春日日素顏開直播 高海寧李佳芯零妝親和感飆升【下一頁】

除了身形碰上港美文化差異，令Tiffany大感自卑之外，其實皮膚濕疹的問題都令她非常苦惱。「濕疹嚴重到冇法想像，由大髀到腳腕位置全部都係，我抓到皮膚損晒，選美時濕疹都有復發，情況很反覆，成日好驚雙手會潰爛變到一撻撻咁。」Tiffany坦言小時候不懂事，常常將濕疹的痛苦發洩在家人身上，經常向媽媽發脾氣，「我知道唔係媽媽嘅錯，但佢每次幫我搽藥膏時，佢都會問：『點解個女有呢個問題？情願我有病嘅人係佢！』我每次聽到佢咁講，心入面都好唔舒服，呢個媽媽真係好好，佢係我心目中嘅女強人，每晚佢都夜半起身睇睇我有冇抓傷皮膚，有時痕到入心，佢就會陪住我床邊捉緊我隻腳。而家諗番起，我覺得自己好唔識得體諒佢，當時我太痕太辛苦，發咗唔少脾氣，媽媽受咗我好多難聽嘅說話。」

{{hket:inline-image name="DSC05854.jpg"}}{{/hket:inline-image}}

{{hket:inline-image name="DSC05844.jpg"}}{{/hket:inline-image}}

{{hket:inline-image name="DSC05836.jpg"}}{{/hket:inline-image}}

{{hket:inline-image name="DSC05860.jpg"}}{{/hket:inline-image}}

Tiffany表示雖然不是富二代，但父母供應她的從來都不缺乏，由於她是獨生女的關係，媽媽不捨得她獨自來港發展，於是派爸爸來港陪伴Tiffany，變相一家三口分隔兩地。Tiffany去年年初返美國探望媽媽，由於疫情的關係母女有一段時間沒有見面，Tiffany感覺媽媽變老，更倍感自責，「我嚟香港發展事業，係咪好自私呢？好似早幾日前，媽媽話佢唔小心喺屋企跌倒，其實我好驚，佢一個人住有咩事發生，我都照顧唔到佢。我呢個女好不孝，25歲人咁大，仲唔能夠好好照顧兩位老人家，反而分開咗佢哋。我好想媽咪多啲返嚟陪我，我要更加努力，盡快夠能力等佢哋可以一齊好好生活，有爸爸照顧媽媽，我個心先會舒服啲。」

{{hket:inline-image name="673d91e5-68aa-456b-a719-8c76edda822e.jpg"}}{{/hket:inline-image}}

{{hket:inline-image name="84df07db-98b5-4425-8b35-8a749553ab1d.jpg"}}{{/hket:inline-image}}

{{hket:inline-image name="7c5176b8-9083-42cc-a6af-e069be7110e2.jpg"}}{{/hket:inline-image}}

超能使者｜劉穎璇鬧陳山聰要配音口形係xxx仔 字幕竟然出錯 「帶子洪郎」變...【下一頁】

事業上，Tiffany在《超能使者》中有不錯的表現，更獲提名《萬千星輝頒獎典禮2022》的「飛躍進步女藝員」十強，「呢一年我工作上好幸運，能夠推出我好鍾意嘅劇集《超能使者》，亦帶畀我好鍾意嘅角色，能得到大家嘅認同係一件很困難的事。我知道有人批評我：『中文都未講好點去演戲呢？』我知道嘅，我會默默努力，如果想成功就一定要克服同正面面對呢個問題，將來先會有更好嘅劉穎鏇！」

髮型：Sue Cheung
服裝：ba&sh
場地：古今二 (THE ONE)

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：陳小芝
攝影：黃敬博、何家賢
撰文：楊安莉