威利談一台獨大數北上拍劇優點 斥無綫「制度坎坷」：梗係搵人仔

現年72歲的馮偉林（威利），最近在美加登台時，接受由徐志勳主持的鳳凰衛視香港台節目《搞邊科》訪問，他透露月尾將返回香港，並坦言很高興聽到香港放寬防疫措施的消息，「最開心一樣嘢，就係我哋可以返大陸做嘢喇，差唔多3年喇！」

同場加映：黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

{{hket:inline-image name="13.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

威利以坎坷來形容這3年，續說：「想做乜嘢都做唔到，隔離問題，拍戲，戴口罩點做戲？攞命，根本就係跳海。」計劃回內地工作的威利，他表示唱歌和拍戲會兩邊兼顧，「其實拍劇好啲，喺大陸播映，知名度自然會高。」徐志勳問他覺得賺人民幣好還是賺港幣好？威利說：「梗係搵人仔（人民幣）啦，點解我哋咁鍾意返內地拍戲？市場大，人工高，招呼好，要嗰樣有嗰樣，喺香港拍戲，『sorry，唔得！sorry，冇budget！』，香港得一個台咋嘛，點樣搞得唔好嘅？」徐志勳向他示意香港現時多了幾個台，但威利似乎不明白，帶點勞氣繼續說：「嗰幾個台，你發牌畀佢哋都冇用，佢哋都唔搞嘢嘅！」徐志勳說：「佢哋都有拍劇，當然製作量唔可以同TVB相比。」威利皺皺眉說：「我唔明白，政府點解發牌畀啲唔做嘢嘅人呢？佢發牌目的就係推動呢個事業㗎嘛，點解唔做？內裡乾坤，聰明嘅觀眾，我諗你哋都知啦，唔好意思，勞氣啲，因為涉及我哋嘅行業。」

【流行經典50年】威利曾急流勇退往內地從商 經歷離婚享受自由單身生活【下一頁】

威利在60年代與朋友組成樂隊，70年代跟林子祥以及大AL（張武孝）組成「玉石樂隊」而加入娛樂圈，80年代在無綫拍劇，包括《閉門一家親》、《吾妻十三點》、《大茶園》等等，1996年淡出娛樂圈，決定北上從事製衣事業。2015年重返無綫，接拍《鬼同你OT》、《殭》、《來自喵喵星的妳》、《迷》、《燦爛的外母》。威利表示很喜歡做喜劇，因可以娛樂自己和其他人。

《踩過界II》張武孝大AL因聲帶勞損變豆沙喉 曾失聲離開樂壇20年轉行做生意【下一頁】

{{hket:inline-image name="33f6c4f7b4870ab906360f614f82f521_600.jpg"}}{{/hket:inline-image}}

徐志勳提到《下流上車族》的角色很接地氣，既熱血又有熱誠，威利說：「其實呢啲角色一向都受歡迎㗎啦，我哋以前拍嘅嘢同《下流上車族》咪差唔多，例如《鬼同你OT》、《來自喵喵星的妳》、《燦爛的外母》， 咪又係嗰啲劇種，溫馨得嚟又輕輕誇張啲啲，觀眾係會受落。」他又指在無綫拍劇，沒有收工時間，跟內地拍劇相比，實在差太遠，「例如0630（朝早6時半）開工，收工，大家都唔知，我哋呢啲係老餅、老鬼，大佬呀，你要我哋捱坐，仲要記對白，體能唔好好難負荷得到，制度又坎坷；喺大陸拍劇，佢哋會尊重藝員，所以香港咁多人上大陸拍戲係有原因。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】