周勵淇素顏公開睡前卸妝保養 護膚程序超繁複：懶人就會好醜樣

現年43歲嘅周勵淇 (Niki)2018年同內地演員傅浤鳴結婚，2020年誕下仔仔，自此減少幕前演出。雖然係一孩之母，但佢肌膚依然好似少女咁，唔少人都好好奇佢嘅保養秘訣，早前佢就千呼萬喚之下開咗佢嘅個人channel，分享扮靚心得。

同場加映：  百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷

{{hket:ul-video id="7170"}}{{/hket:ul-video}}

繼早前素顏分享早上護膚程序後，日前Niki素開有癮，公開自己落妝加睡前保養心得，畀觀眾睇住佢洗面，真正童叟無欺！Niki本身面上有眼妝同粉底，單係潔面，佢已經要用到3個工具同用3種潔面產品。Niki先用仔仔抹pat pat嘅純棉柔巾沾濕水油混合嘅卸妝劑，再仔細抹眉同眼，佢個人發明再用棉花棒卸眼妝，Niki表示咁樣比較唔會拉扯到眼皮，對皮膚更好。

{{hket:inline-image name="27a685e0182189acfeb3a2b7d7079775.jpg"}}{{/hket:inline-image}}

之後佢再用油膏全面卸妝，按摩後再用柔巾當毛巾洗面；不過Niki都仲嫌唔夠，要再用會起泡嘅洗面膏加洗面機，Niki先滿意個乾淨程度。期間拍片人問到Niki點解唔喺沖涼時順道洗面，Niki即刻斬釘截鐵表示自己唔會用熱水洗面，更加好真心咁爆出金句：「做懶人就會好醜樣！」

Niki無懼高清鏡頭畀大家見到佢嘅真面目，鏡頭內嘅佢幾乎零毛孔，43歲亦見唔到一條皺紋，面色仲好亮白冇黃氣，佢教護膚真係零舍有說服力！雖然佢之後嘅程序非常繁複，但相信見到零瑕疵嘅Niki都會當呢啲係金科玉律呀！

唔少少網民都留言大讚她素顏依然好靚女，皮膚狀態如少女肌，非常水潤亮澤，留言：「Niki皮膚真係好靚！落咗妝都係好自然。」、「靚嘅女人真係唔可以懶。」、「期待你之後嘅分享！」

圖片來源：YouTube截圖

https://www.youtube.com/watch?v=NqTN5vcK4Gs