因為七仙羽師傅一句「一早吼住娟姐」，令男子組合成員肥仔（梁業）與練美娟（娟姐）連在一起，就算兩人否認緋聞，劇組照樣邀請他們在《反起跑線聯盟》飾演搞笑夫婦羅生羅太，成為最佳熒幕情侶。今次在ViuTV劇集《百萬同居計劃》中，娟姐與黃德斌飾演夫婦蕭生蕭太，難怪娟姐開心地說：「我終於甩難喇！」
雖然娟姐這樣說，但她並無嫌棄肥仔，只是德斌是公認的型男，她說：「我嘅拍檔終於係城中公認嘅型男，之前嗰啲都比較有性格，我諗公司知道虧欠咗我，我就要求一個精壯嘅男人，我有一天發夢突然收到劇本，跟住對手就係德斌，真係好多謝，拜得神多自有神庇佑，絕對應驗喺我身上。」在旁的德斌邊聽邊微笑說：「多謝你，你唔講我都會請你食飯！」
Pet Pet星丨練美娟愛犬烏冬演出《百萬同居計劃》 被愛狗之人Anson Lo不停送吻【下一頁】
德斌在《百萬同居計劃》飾演生意失敗的蕭遙，參加百萬計劃，目的是為了賺錢，希望可以東山再起，令太太（娟姐 飾）有更好的生活，娟姐笑說：「蕭太喺劇本入面係好愛蕭生。」德斌說：「今次有娟姐嘅相助，我哋呢對夫婦做得好融洽，之前同佢合作上一套劇，純粹係上司同下屬，都冇乜點理佢，我理唔到佢，Edan（意指在劇集《大叔的愛》，KK暗戀田一雄），大佬，係咪先？今次一嚟要做咁樣嘅一對夫婦，好需要真正嘅溝通，點知第一日開工，佢就好肯發放佢嘅嘢出嚟！」娟姐笑說：「佢畀我熱情融化！」德斌表示兩人一拍即合，娟姐指德斌雖然是前輩，但為人沒有架子，她笑說：「喺我角度，係一己私慾，大家知道我同德斌做夫婦，身邊嘅朋友係羨慕妒忌同恨我㗎，我都唔怕佢覺得我猴擒，我諗到啲咩，要做就做，到唔得嘅時候先cut我囉！」
百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷【下一頁】
夫婦關係難免會有較親密行為，如床戲等等，娟姐笑住表示：「當中我同佢嘅關係，可能會涉及危險動作，都需要家長指引，如果大家要模仿嘅話。」德斌爆她：「佢直頭想激到，要導演stop佢，好似...」娟姐接著說：「係呀，導演好似有一個take係『娟姐，咁樣唔係幾好喎...」德斌續說：「喺鏡頭出面咁樣出街，驚觀眾...」在劇中，德斌將娟姐公主抱，娟姐指他勞力好強，幸好他體質夠fit，笑稱沒有太多人能夠招架得住她，德斌即說：「我返去捽到...真係，又要針炙，你都唔知呀，不過我有娟姐呢個老婆係值得嘅！」
百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚【下一頁】
對於ViuTV近年推出不少原創劇，有好口碑亦有負評，娟姐說：「公司嘅原創劇開始推出嚟嘅時候，大家可以睇更多不同品種嘅劇集，從而揀一套自己鍾意嘅，大家討論劇情嘅能力越來越強，角色選擇、燈光、服裝連唔連戲，原來觀眾會留意到！」德斌則說：「亦都因為有好多唔同嘅平台畀你發表意見，越嚟越快知道效果，所以你要進步，要長進嘅話，你係可以好快調較到，但你會知道邊啲係真心，邊啲係『你有冇睇過㗎？』，提出（意見）咗之後，可以接受，亦有權唔接受，你自己去分折，最緊要係有獨立嘅思考去諗吓究竟係點！」
黃德斌
化妝及髮型：Kelly Mak by Headquarters
服裝：Norda by Trail Sport
練美娟
化妝：Judy Cheung
髮型：Denny Mok
服裝：Beauty & Youth and Sculptor from ITHK
撰文：黃曉妍
攝影：林君茹、黃敬博
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】