黃德斌在影視圈打滾多年，演繹無數角色，令觀眾留下深刻印象，當中他與金牌監製戚其義合作無間，包括《天地豪情》、《談談情 練練武》、《金枝慾孽》、《火舞黃沙》、《珠光寶氣》、《天與地》、《心戰》等等。德斌在2006年憑《火舞黃沙》的「宋東陽」一角奪得無綫的「最佳男配角」獎項，而由他與林保怡、陳豪主唱的《天與地》片尾曲《年少無知》亦獲音樂獎項。德斌自言職業生涯起起伏伏，最近，他在戚其義監製的AMM亞洲心動娛樂劇集《逐流時代》中，飾演名流富商「宋遠圖」，望延續「大叔」之餘勇。
德斌早前接受《晴報》專訪，他表示跟戚其義是亦師亦友的關係，「同阿戚識咗好耐，我哋有個共同朋友，住樓上樓下而認識。以前租碟時代，我哋一放假就去租碟睇，玩又一齊玩，所以大家比較熟絡，容易明白對方諗嘅嘢；到佢幫我返入去舊公司（無綫）時，又畀我演出機會，但唔會一下子令到我有咁大負擔，係由小角色開始做，再做到比較戲份重嘅角色，令到我成長，佢係我演戲生涯入面一個導師。」
逐流時代丨麥明詩爆與黃德斌麥子樂激情戲 好大犧牲：要用美色吸引人【下一頁】
回想第一次參演戚其義監製的劇集是《天地豪情》（1998年），德斌飾演甘樹生（黃日華飾演）的助手Nelson，直至在《金枝慾孽》（2004年）擔正男主角之一，飾演常永祿，德斌表示當時十分緊張，他說：「點樣可以做得好啲呢？人哋畀一個咁重要嘅角色你去演，我希望可以做到人哋期望，所以特別緊張……但阿戚會睇住我，睇我可以表現啲乜嘢出嚟，佢再去調節，再發掘多啲我嘅嘢，想我試多啲唔同嘅嘢，慢慢……每次演出都好似考試咁！我接演嘅角色類型越嚟越多元化，因為阿戚寫嘅人物比較複雜，人物性格唔係咁單純、單向。」
講對白驚到震丨黃德斌憶述當年拍《真情》超緊張「蝦叔」關海山教誨：唔使場場好【下一頁】
在AMM劇《逐流時代》中，德斌飾演富商「宋遠圖」，麥明詩的角色是他的助手，麥子樂則扮演上環海味舖太子爺，德斌說：「麥子樂個角色係希望喺中環呢個世界打滾，佢透過麥明詩嘅關係而接觸我，我將計就計，覺得佢係可造之材，就將佢擺喺自己身邊。至於『宋遠圖』呢個人物，慾望好強，佢已經擁有一切，但係為咗鞏固地位，就算要犧牲屋企人都要繼續做落去。」就連「愛」也是有目的，三人的愛情、三角關係，德斌形容：「互相利用，各有目的。」
《大叔的愛》紅到去日本│黃德斌負面情緒懷疑自己患抑鬱 對鏡自責：咁嘅衰樣唔會有工作【下一頁】
德斌對於麥明詩這後輩，大讚道︰「樣靚身材好，又聰明，雖則演戲經驗唔多，以前演嘅角色又唔太適合佢……」他續指︰「今次佢可能對劇本嘅理解深入咗，或者當對角色有啲意見、疑問時，會主動向導演、編劇了解，所以好容易就做到監製、導演要求嘅嘢。我同麥明詩之間係好信任大家，喺激情戲嘅部分，大家都唔使講太多。」
大叔的愛｜黃德斌轉戲路演活「戀男」大叔 網民激讚：大台扼殺咗佢嘅演技【下一頁】
德斌在1988年報讀無綫第15期藝員訓練班，同班同學有林家棟、劉錫明、雷宇揚、黎芷珊等，演藝生涯至今已有34年，他由當臨時演員開始，一直堅持到現在，深信自己夠幸運，他說：「入行頭5年，都係做緊所謂甲乙丙丁嘅人物，期間拍過戲，識咗班電影人，幕前冇嘢做又轉咗去做幕後，又識咗一班人，了解咗更多有關戲劇嘅嘢，令我對演戲產生更大興趣。後來遇到戚其義，係佢幫助我，令我再次返到去幕前，遇到好多令觀眾留下深刻印象嘅角色，所以我覺得自己非常幸運。過程係咪辛酸？我已經唔再去諗呢樣嘢，咁辛酸梗有㗎啦！冇理由次次都咁順利，個個人一出嚟就做偶像？我唔係呢種類型嘅時候，必然係呢種途徑（默默耕耘），先至做到今日。」
德斌補充：「期間當然有想過放棄，放棄過好多次添！演員呢行好奇怪，冇開工一排，就想放棄……係咪要搵第二啲工作去做？再坐喺度唔掂㗎喎……呢啲諗法經常都有，甚至乎而家幾個禮拜冇工開，未有消息有工開，個心都會囉囉攣，其實演員就係有種不安全感，呢種不安全感令你更加注意，Pay Effort（付出努力）落去。如果我放棄，我呢把年紀，有咩就做咩啦，我對幕後工作有興趣。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】