《大叔的愛》拍檔｜練美娟爆Edan血氣方剛最鹹濕 頻睇IG𥄫女：對異性最有興趣

練美娟（娟姐）今年憑劇集《大叔的愛》成功入屋，劇中又同MIRROR三子Edan呂爵安、Anson Lo盧瀚霆及Stanley邱士縉合作，令不少人大感羨慕。這日娟姐接受網台訪問，大爆她對三子的感覺，認為Anson Lo最多女冧，Stanley則是最小器，而Edan是最鹹濕一個，不知道他們的粉絲是否認同呢？

{{hket:inline-image name="K11042001.jpg"}}{{/hket:inline-image}}

{{hket:inline-image name="edanlui_244257959_270310881524485_3174615839757683657_n.jpg"}}{{/hket:inline-image}}

同場加映：【娛樂直擊】陳柏宇下月開紅館演唱會 囡囡Abi上台爭咪？

{{hket:ul-video id="4554"}}{{/hket:ul-video}}

娟姐因《大叔》而人氣急升，工作量大增，她卻不以為意，「我唔知道點樣為之紅，但係我多人認識咗係真嘅。入咗行都幾年，之前有主持一啲節目，當時喺條街度行，係冇人認識你。」追問拍攝《大叔》時的秘聞，劇中MIRROR三子誰最孤寒、最小器及最多女冧？娟姐極速回答：「最多女冧一定非Anson Lo莫屬！無論青春少艾或者已婚人妻，你知唔知連我表姨媽都好鍾意佢。最小器可以講係Stanley，可能我同佢熟，佢成日會對我小氣囉！譬如有時預咗好多嘢，佢會話『又冇預我，娟姐』。跟住我心諗，男人老狗唔好同我計呢啲啦，我好相信係因為佢同我熟，所以佢會咁樣同我玩。」

鄭中基練美娟重現《行運超人》角色 有新朵：「CALL ME杜麗娟！」【下一頁】

娟姐聲稱不知道哪一個最孤寒，反而爆料話Edan最鹹濕，「我覺得Edan最鹹濕，因為佢血氣方剛，成日見到佢喺休息時睇女仔嘅IG，我話佢『又𥄫女呀』，佢就話『睇吓女仔啫』，你知佢嗰啲死人乞人憎樣！佢對異性最有興趣，成日𥄫女囉！」

當主持人追問日後若開拍配對節目，黃德斌、許紹雄同鄧健泓當中會揀哪一個？娟姐話：「一定係黃德斌，我哋一齊拍劇，本身又識佢，佢係一個內斂嘅人。（古天樂同黃德斌又點揀？）都係揀黃德斌！」

（↓點擊放大睇圖片↓）

重提七師傅曾爆料肥仔@ERROR及音樂人伍仲衡好鍾意她，娟姐話：「肥仔唔啱呀……我只能夠講肥仔唔啱，我真係介意另一半矮過我。（伍仲衡又感覺如何？）點解件事會發生呢？係我嘅飲酒節目請咗Harry（伍仲衡）同埋師傅（七師傅），跟住師傅就話佢一直留意我、好鍾意我；之後我哋真係交換咗電話，話約食飯，但係我又忙，佢又忙啦！」現年31歲的娟姐已單身4年，揀偶條件原來是鍾情大叔，「我諗我偏向成熟啲，小鮮肉嗰啲我係一般。我鍾意啲安穩感覺、大叔啲，我鍾意成熟系，對上一個男友都大過我十幾年。（幾多歲失身？）18歲，合法嘅！死啦，我經理人抹緊汗呀，哈哈哈！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】